Bólu-Hjálmars minnst á degi íslenskra tungu
Á miðvikudaginn í næstu viku verður boðið til dagskrár um Bólu-Hjálmar í tilefni af Degi íslenskrar tungu. Það eru Skagfirski kammerkórinn, nemendur 7. bekkjar í Varmahlíðarskóla og Kór eldri borgara sem koma fram á skemmtuninni, sem verður að Löngumýri kl. 20 um kvöldið.
„Samspil Skagfirska kammerkórsins og nemenda 7. bekkjar Varmahlíðarskóla í tilefni af Degi íslenskrar tungu hófst þann 16. nóv. 2007. Öll ár síðan höfum fengið 7. bekk til liðs við okkur og alltaf verið á Löngumýri,“ segir Sigríður Sigurðardóttir, aðspurð um þessa hefð, en þetta er í tíunda skipti sem Skagfirski kammerkróinn og 7. bekkur Varmahlíðarskóla standa fyrir skemmtun á Löngumýri á þessum degi.
„Tilgangurinn með þessari samvinnu er sá að efla vitund okkar allra um þann dýrmæta arf sem íslensk tunga er og hvernig hún hljómar töluð og sungin. Þetta er semsagt í tíunda sinn sem við höldum daginn hátíðlegan með þessum hætti. Kammerkórinn velur efnið og hefur tileinkað dagskrána yfirleitt einu skáldi í senn. Fyrsta árið héldum við upp á daginn með lestri ljóða eftir Sigurð Hansen og sungum lög við ljóð hans,“ segir Sigríður.
„Árið 2008 var dagskráin tileinkuð Jóhanni Guðmundssyni frá Stapa og kallaðist hún Kynslóðirnar kveðast á og syngja saman. Þá var Kór eldri borgara með okkur og nokkru sinnum síðan og alltaf gaman þegar þau hafa tíma til þess. Boðið hefur verið upp á dagskrá um: Eyþór Stefánsson, Þorstein Erlingsson, Hallgrím Pétursson, þjóðlög, þjóðtrú og börn. Í fyrra var dagskráin tileinkuð Ólínu Jónasdóttur, skáldkonu. Nú er hún tileinkuð Bólu-Hjálmari. Krakkarnir í 7. bekk fjalla um æfi og kjör Hjálmars og kórarnir spreyta sig á textum eftir hann,“ segir hún ennfremur.
„Dagskráin er fléttuð þannig saman að lestur og söngur er til skiptis. Miðað er við að dagskráin taki um klukkutíma og svo er spjallað á eftir. Það hefur alltaf verið mjög vel mætt og góð stemning enda eru 7. bekkingar upp til hópa snillingar og framtíðin björt eftir stund með þeim,“ segir Sigríður að lokum.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.