Við skulum ganga suður með sjá
Sunnudaginn 12. október kl. 15 verður haldið málþing í Miðgarði í tilefni þess að 70 ár eru síðan fyrsta ljóðabók Hannesar Péturssonar kom út. Bókin heitir því yfirlætislausa nafni Kvæðabók og kom út árið 1955. Hún var gefin út í 1.000 eintökum í upphafi og þau eintök ruku út og það var prentað annað upplag í snatri en fjöldi þeirra eintaka var aldrei gefinn upp.
Viðtökurnar sem Kvæðabók fékk þarna fyrir sjötíu árum voru frábærar og eftir að bókin kom út „linnti fagnaðarlátunum ekki, og þau standa enn“ segir á einum stað. Það eru líka fjölmargir, bæði ljóðskáld og ljóðaunnendur, sem vitna um að þessi bók hafi haft mikil áhrif á sig. Hannes var að vísu búinn að gefa upp boltann með því að birta ljóð í bókinni Ljóð ungra skálda, sem kom út árið 1954. Í þeirri bók voru sjö ljóð eftir Hannes og það má segja að þar hafi hann slegið í gegn á svipstundu og lét Steinn Steinarr hafa eftir sér „að hann hefði aldrei vitað Íslenskan mann á hans aldri yrkja jafn vel“.
Hannes hefur gefið út ellefu ljóðabækur og kom sú síðasta, Haustaugu, út árið 2018. Hann hefur líka skrifað fjölda annarra bóka, bæði fræðibækur, ferðabækur, sagnaþætti og minningabækur. Hann hefur líka skrifað mikið í Skagfirðingabók og var þar í ritstjórn fyrstu árin og er heiðursfélagi í Sögufélagi Skagfirðinga.
Það má því segja með sanni að það sé góð ástæða til að slá upp smá afmælisveislu í Miðgarði. Þar flytja erindi Sölvi Sveinsson, Silja Aðalsteinsdóttir, Egill Helgason, Eyþór Árnason og Krisján B. Jónasson. Ljóðum skáldsins verður síðan blandað inn í erindin og það er einvalalið úr héraði sem mun lesa: Iðunn Kolka Gísladóttir, Sara Regína Valdimarsdóttir, Sigríður Kristín Jónsdóttir, Lilja Sigurlína Pálmadóttir, Ólafur Sigurgeirsson, Ólafur Atli Sindrason og Atli Gunnar Arnórsson. Einnig mun Helga Rós Indriðadóttir syngja þrjú lög við texta skáldsins. Píanóleikari er Daníel Þorsteinsson. Aðgangur er ókeypis og allir velkomnir.
/fréttatilkynning
Fleiri fréttir
-
Platan Lítill fugl með Ellý Vilhjálms í uppáhaldi hjá Lillý | EMELÍANA LILLÝ
feykir.is Skagafjörður, Listir og menning, Tón-Lystin, Lokað efni 05.10.2025 kl. 10.27Það er Króksarinn Emelí-ana Lillý Guðbrandsdóttir sem svarar Tón-lystinni í þetta skiptið en hún er tvítug á árinu. Hún hefur næstum því jafn lengi verið fastagestur í sviðslistum í Skagafirði, leikið með leikfélaginu nánast frá því að hún fór að ganga og svo hefur hún auðvitað sungið eins og engill frá fyrstu tíð.Meira -
Er búin að læra leikmannaskrá Tindastóls samviskusamlega
feykir.is Skagafjörður, Lokað efni 05.10.2025 kl. 08.00María Neves tók nýverið við starfi sem deildarstjóri þróunar, miðlunar og menningar hjá sveitarfélaginu Skagafirði. Feykir hafði samband við Maríu og fékk aðeins að kynnast þessum nýja innflytjanda á Sauðárkróki. Hún var nefnilega innflutt frá Portúgal þegar hún var ungabarn eins og hún kemst sjálf að orði, alin upp á Vestfjörðum þar sem hún bjó til 16 ára aldurs. Suðvesturhornið tók síðan við af Vestfjörðunum þar sem hún bjó lengst af á Akranesi eða þangað til í fyrra þegar hún fékk frábært atvinnutækifæri á Akureyri. „Þá seldum við hjónin íbúðina okkar, settum búslóðina í kassa, allt upp í bíl og brunuðum norður.“ Frá Akureyri lá síðan leiðin á Sauðárkrók í lok apríl á þessu ári og líkar þeim vel.Meira -
„Takk fyrir góðar stundir elsku Donni!“
feykir.is Skagafjörður, Lokað efni 04.10.2025 kl. 22.15„Ég er virkilega ánægð með hvernig liðið kom til baka eftir að lenda 3-1 undir, sýnir mikinn karakter og okkar réttu hlið að gefast aldrei upp!“ sagði Bryndís Rut Haraldsdóttir fyrirliði Tindastóls við Feyki að loknu 3-3 jafntefli gegn bróðir hennar og liði Fram í Úlfarsárdalnum í dag.Meira -
Sex marka hasar í Úlfarsárdalnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.10.2025 kl. 21.14Það er í raun alveg magnað en það eru í það minnsta átta ár síðan kvennalið Tindastóls spilaði leik í Íslandsmóti þar sem úrslitin skiptu ekki máli – annað hvort varðandi fall eða að vinna sér sæti í næstu deild fyrir ofan. Í það minnsta átta sumur þar sem það réðist ekki fyrr en í lokaumferðinni hvert hlutskipti liðsins væri. Ekki einn leikur fyrr en loksins í dag. Það má því taka ofan fyrir Stólastúlkum sem voru sannarlega mættar til að vinna lið Fram þó fall væri þegar staðreynd. Þær höfðu ekki sigur, lentu 3-1 undir en settu undir sig hausinn og jöfnuðu. Lokatölur 3-3.Meira
