Breytingar á dýralæknaþjónustu í Austur- og Vestur-Húnavatnssýslum
Matvælastofnun hefur gert þjónustusamning við Dýralæknaþjónustu Stefáns Friðrikssonar ehf. á þjónustusvæði 4 svonefndu, sem tekur til Húnaþings vestra, Blönduósbæjar, Skagabyggðar, Sveitarfélagsins Skagastrandar og Húnavatnshrepps. Þetta var gert á grundvelli nýrrar matvælalöggjafar.
Ný matvælalöggjöf um hollustuhætti og eftirlit tók gildi hér á landi 1. mars 2010 en breytingar vegna framleiðslu búfjárafurða tóku gildi þann 1. nóvember sl. Löggjöfin er samhljóða þeirri sem gekk í gildi í Evrópu árið 2006 en sama löggjöf á að gilda um matvæli í öllum ríkjum Evrópska Efnahagssvæðisins (EES).
Nýju matvælalöggjöfinni fylgja margvíslegar breytingar sem taka einnig til dýralæknaþjónustu, t.d. var héraðsdýralæknum fækkað úr 14 í 6 og fækkaði umdæmum þeirra sem því nemur. Til að tryggja dýralæknaþjónustu í dreifðum byggðum var innleidd reglugerð sem „ætlað er að tryggja dýraeigendum nauðsynlega almenna dýralæknaþjónustu og bráðaþjónustu við dýr á landsvæðum þar sem fjöldi dýra og/eða verkefni dýralækna eru af skornum skammti.“ (1. gr. laga nr. 846/2011).
Þjónustusamningur undirritaður
Fyrir síðustu mánaðarmót auglýsti Matvælastofnun eftir dýralæknum á öllum þjónustusvæðum til að gera við þjónustusamninga. Þegar nýja löggjöfin gekk í gildi þann 1. nóvember var búið að gera samninga á öllum svæðum nema í Austur- og Vestur-Húnavatnssýslum, þar sem engar umsóknir bárust. Þá var haft samband við Stefán Friðriksson sem er með Dýralæknaþjónustu á Sauðárkróki, en hann hefur áður starfað sem héraðsdýralæknir í Austur-Húnaþingsumdæmi með aðsetur á Blönduósi og er því svæðinu kunnugur.
„Ég sótti ekki um þar sem ég vissi að það þætti æskilegra að viðkomandi dýralæknir væri með starfstöð innan svæðisins, en þegar enginn sótti um báru þeir þetta undir mig. Ég ákvað að láta reyna á það,“ sagði Stefán í samtali við Feyki.
Nánari umfjöllun um málið er að finna í næsta tölublaði Feykis sem kemur út nk. fimmtudag.
- Heimildir:
- stjornartidindi.is
- mast.is
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
