Byggðasafn Skagfirðinga tekur við myndavélasafni Stefáns Pedersen :: Pistill Byggðasafns Skagfirðinga
Í vor tók Byggðasafn Skagfirðinga við einkasafni frá einstaklingi á Sauðárkróki sem flestir kannast við. Það var myndavélasafn ljósmyndarans Stefáns Pedersen, eða Stebba Ped eins og hann er jafnan kallaður.
Rolleicord myndavél
Stefán fæddist á Sauðárkróki þann 7. desember 1936. Foreldrar hans voru Sigríður Sigurlína Halldórsdóttir og Johan Pedersen.[1] Eftir gagnfræðaskólann lagði Stebbi stund á bakaraiðn til skamms tíma, en veikindi settu strik í reikninginn og þegar hann hafði náð heilsu á ný lagði frændi hans, Árni Halldórsson, til að hann legði fyrir sig ljósmyndun. Árni vann þá við framköllun og lánaði Stebba myndavél til að æfa sig á.
Kodak Brownie Cresta 3 myndavél
Í maí 1955 komst Stefán á samning hjá Sigurði Guðmundssyni, ljósmyndara í Reykjavík. Þar vann hann bæði við ljósmyndun í stúdíói og úti á vettvangi, en þeir mynduðu m.a. fyrir dagblaðið Þjóðviljann. Þrátt fyrir atvinnutilboð í Reykjavík leitaði hugur Stefáns heim á Krókinn og opnaði hann sína fyrstu ljósmyndastofu á Sauðárkróki árið 1958. Árið 1988 flutti hann ljósmyndastofuna um set og kom sér fyrir við Aðalgötu 10a og rak hana þar til ársins 2019.
Polaroid myndavél
Stefán lagði stund á ýmiskonar ljósmyndun í Skagafirði og nærsveitum. Sennilega muna ófáir Skagfirðingar eftir því að hafa farið einhvern tímann í myndatöku á stofuna hjá Stebba, e.t.v. í fermingar-, útskriftar- giftingar- eða fjölskyldumyndatöku. Stebbi fór þó líka víða og tók myndir á ýmsum viðburðum, bæði einkasamkvæmum og sem fréttaritari fyrir Ríkissjónvarpið í nokkur ár uppúr 1974. Stefán myndaði jafnframt fyrir leikfélagið, á leiksýningum á Sæluviku, sem þótti ávallt skemmtilegt verkefni.
Polaroid myndavél
Stefán hóf að safna myndavélum um 1980 og byggir safnið hans bæði á vélum sem hann notaði sjálfur en einnig fékk hann gefins gamlar myndavélar sem fólk var hætt að nota. Myndavélasafnið sem Byggðasafnið tók við samanstendur af tæplega 180 mynda- og upptökuvélum af ýmsu tagi, ásamt fylgihlutum, s.s. hulstrum, öskjum, þrífótum og ýmsu fleiru. Ljósmyndir, filmur og annar afrakstur starfsævi Stefáns var gefið til Héraðsskjalasafns Skagfirðinga til varðveislu. Stefnt er að því til framtíðar að setja upp sýningu með gripum og myndum frá Stefáni, þar sem starfsferli hans, ljósmyndun og framköllun fyrir tíma starfrænna lausna yrði gerð skil, enda sú iðn mjög á hverfanda hveli.
Exakta myndavél
Heimildir:
1 Upplýsingar um Stefán byggja bæði á samtali við hann sjálfan og á blaðagreininni „Myndbrot frá langri starfsævi“ eftir Berglindi Þorsteinsdóttur sem birtist í Jólablaði Feykis árið 2014. Sótt 3.6.2021 af: https://wp.issuu.com/oliarnarbrynjarsson/docs/jolafeykir2014_netutgafa/16
Inga Katrín D. Magnúsdóttir
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.