Byggðastofnun tekur við eftirliti með póstþjónustu
Alþingi samþykkti á dögunum breytingar á lögum til að færa eftirlit með póstþjónustu til Byggðastofnunar með það að markmiði að tryggja skilvirka þjónustu um allt land. Byggðastofnun tekur formlega við málaflokknum 1. nóvember nk.
„Stofnanir hins opinbera verða að endurspegla þarfir samfélagsins á hverjum tíma. Það er tímabært að efla starfsemi stofnunar á sviði fjarskipta til að mæta gríðarlega hröðum umskiptum í heimi fjarskipta og upplýsingatækni. Þetta ætlum við að gera á grunni þess öfluga starfs sem unnið hefur verið í Póst- og fjarskiptastofnun,“ segir Sigurður Ingi Jóhannsson, samgöngu- og sveitarstjórnarráðherra í frétt á heimasíðu stjórnarráðsins.
„Við teljum einnig mikilvægt að efla stuðning við póstmálin við breyttar aðstæður. Mikil tækifæri felast í því að færa verkefnin til Byggðastofnunar en þannig má tryggja skilvirka framkvæmd og stefnumótun á sviði póstmála og samhæfa við byggðasjónarmið. Til lengri tíma felur breytingin sömuleiðis í sér tækifæri til að dreifa opinberum störfum um landið,“ segir Sigurður Ingi ennfremur.
Tvö sérhæfð störf á Sauðárkróki
„Við greiningu á verkefnum Póst- og fjarskiptastofnunar og í ljósi stórtækra breytinga í samfélaginu síðustu áratugi var ákveðið að flytja eftirlit með póstmálum til Byggðastofnunar. Megintilgangurinn er að stuðla að skilvirkri og áreiðanlegri póstþjónustu um land allt. Póstþjónusta gegnir enn mikilvægu hlutverki, ekki síst fyrir atvinnulíf og í vefverslun.
Byggðastofnun gefst tækifæri til að móta stjórnsýslu póstþjónustu í takt við ný lög um póstþjónustu sem tóku í upphafi árs 2020. Sem fyrr segir mun Byggðastofnun taka við málaflokknum 1. nóvember nk.,“ segir á stjornarradid.is
Í greinargerð með lagafrumvarpinu segir að eitt af hlutverkum ráðuneytisins og Byggðastofnunar vegna tilfærslunnar verði að vinna að því að skoða tækifæri til einföldunar á lagaumhverfi póstmála, þ.m.t. að skoða fýsileika þess að færa þann hluta póstmála sem varðar samkeppniseftirlit til Samkeppniseftirlitsins.
Störfum verður ekki fækkað vegna þessara breytingar, samkvæmt frétt stjórnarráðsins, og tilfærsla verkefna verður unnin í náinni samvinnu stofnananna tveggja til að tryggja samfellu í þjónustu og varðveita þekkingu í málaflokknum.
Ekki náðist í Aðalstein Þorsteinsson forstjóra Byggðastofnunar við vinnslu fréttarinnar en samkvæmt heimildum Feykis má fljótlega búast við auglýsingu frá stofnuninni um tvö ný og sérhæfð störf sem staðsett verða á Sauðárkróki.
Þá samþykkti Alþingi einnig stjórnarfrumvarp Sigurðar Inga um heildarlög um Fjarskiptastofu, sem taka mun við hlutverki Póst- og fjarskiptastofnunar og flestum verkefnum hennar. Sjá nánar HÉR
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.