Byltingarkenndur hugbúnaður fyrir lesblinda
Nemendur Árskóla á Sauðárkróki sem eiga við lesblindu að glíma eða eiga í erfiðleikum með að lesa, skrifa eða stafa orð, hafa tekið tæknina í sínar hendur með hjálp Easy Tutor hugbúnaði sem gerir þeim kleift að láta tölvuna lesa fyrir sig og aðstoða við að stafsetja rétt.
Lögð hefur verið áhersla á það í vetur að kynna þennan hugbúnað fyrir nemendum og kenna þeim að nota tölvuna meira við námið. Hugbúnaðurinn er gjarnan notaður samhliða verkefnabókum frá Námsgagnastofnun á pdf formi þar sem nemendur geta látið Easy Tutor lesa fyrir sig fyrirmæli og þeir síðan skrifað inn í verkefnabækurnar í tölvunni. Einnig er Easy Tutor notað með ritvinnslu þar sem forritið les jafn óðum það sem nemendur skrifa auk þess sem hægt er að láta lesa allt yfir í lokin.
Árskóli hafði fjárfest í fimm leyfum að hugbúnaðinum sem hafa verið mjög umsetin af nemendum og færri fengið að njóta en viljað en hugbúnaður þessi er mjög dýr.
Foreldrafélag Árskóla lét þá til sín taka og í samráði við stjórnendur skólans var fjárfest í ótakmörkuðu leyfi að hugbúnaðinum sem gerir það að verkum að allir nemendur grunnskólanna í Skagafirði geta notað hann í sínu námi. Að kaupunum kom einnig foreldrafélag Varmahlíðarskóla.
Að sögn Margrétar Bjarkar Arnardóttur náms- og starfsráðgjafa Árskóla er um mjög rausnarlega gjöf að ræða sem ber að þakka af heilum hug.
-Auk þess að öllum nemendum grunnskólanna í Skagafirði gefst nú kostur á að nota þennan hugbúnað í skólunum geta foreldrar óskað eftir því að börnin fái hugbúnaðinn inn í einkatölvur sínar til að nota heima. Tölvuumsjónarmaður Sveitarfélagsins mun aðstoða við uppsetninguna, segir Margrét Björk en hún veitir allar upplýsingar um hugbúnaðinn og hvernig nýta megi hann í námi.
Í kvöld kl. 20 verður haldinn aðalfundur Foreldrafélags Árskóla í húsnæði skólans við Skagfirðingabraut og verða allar upplýsingar veittar þar um hugbúnaðinn sem er að margra mati bylting fyrir lesblinda.
Nánari upplýsingar HÉR
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
