Við gefum í á meðan aðrir ræsa vélarnar | Jóel Þór Árnason skrifar
Á kjörtímabilinu sem er að líða hefur Sjálfstæðisfélag Skagfirðinga verið afar virkt. Við höfum staðið fyrir fjölmörgum fundum og viðburðum með þingmönnum og öðrum áhugaverðum gestum, þar sem málefni samfélagsins hafa verið rædd af krafti og einlægni - nú síðast í Miðgarði þar sem við ræddum um orkumál á Norðurlandi og fengum til okkar góða gesti. Það hefur verið sérstaklega ánægjulegt að sjá hversu vel þessir viðburðir hafa verið sóttir og ekki síður að nýtt fólk hafi reglulega bæst í hópinn með okkar góðu fastagestum.
Það hefur varla farið fram hjá mörgum að senn líður að sveitarstjórnarkosningum. Á meðan aðrir “ræsa vélarnar” þá gefum við í, enda hefur ekkert lát verið á okkar starfsemi undanfarin fjögur ár. Næsti viðburður er þó öðruvísi og í aðeins rólegri og óformlegri stemningu, en þar verður engin framsaga. Á morgun (föstudaginn 16. janúar) kl. 18 ætlum við að hittast á Sauðá, taka púlsinn og pæla í framtíðinni yfir pizzu og öðru gómsætu hlaðborði frá Sauðá. Viðburðurinn er opinn öllum og okkur langar að skapa notalegt rými fyrir samtal þar sem allir geta tekið þátt, hvort sem þeir eru vanir eða að stíga sín fyrstu skref.
Þegar stutt er í kosningar er rétti tíminn til að horfa bæði í baksýnisspegilinn og fram á veginn. Hvað hefur tekist vel og hvað má gera betur? Hver eru verkefnin framundan? Á fundinum gefst gestum tækifæri til að koma með tillögur, að bæði málefnum og mannavali á lista. Við leitum að fólki sem brennur fyrir Skagafjörð og vill leggja sitt af mörkum, hvort sem er á lista eða í öðru hlutverki í áframhaldandi uppbyggingunni.
Á svæðinu verða kjörnir fulltrúar flokksins í Skagafirði og þar gefst tækifæri til að bæði „grilla“ þá og gleðja. Þeir sem ekki eiga heimangengt í þetta skiptið þurfa engar áhyggjur að hafa - næg verða tækifærin næstu vikurnar til að mæta á viðburði og við tökum alltaf fagnandi á móti samtali. Það má hringja í mig, kjörna fulltrúa okkar eða aðra stjórnarmenn til að ræða málin.
Við hvetjum alla sem hafa áhuga á samfélaginu okkar til að mæta. Maður hefur lítil áhrif með því að sitja heima. Það er gaman hjá okkur, umræðan er lifandi og nýtt fólk er ávallt hjartanlega velkomið. Við hlökkum til að hitta sem flesta á fyrsta viðburði ársins 2026 og hlökkum ekki síður til næstu fjögurra mánaða.
Jóel Þór Árnason,
formaður Sjálfstæðisfélags Skagfirðinga
Fleiri fréttir
-
Síkið í kvöld
feykir.is Skagafjörður, Íþróttir 15.01.2026 kl. 13.44Í dag er leikdagur í Síkinu á Sauðárkróki þegar Tindastóll tekur á móti ÍR í mfl. karla í körfubolta.Meira -
Stóra stólamálið kannski ekki svo einfalt – eða hvað?
feykir.is Skagafjörður, Lokað efni 15.01.2026 kl. 11.11Nú nýverið varð TikTok-myndband Króksarans Söru Rutar Arnardóttur, listræns stjórnanda Improv Ísland, tilefni til viðtals og fréttaflutnings Í bítinu á Bylgjunni og Vísi.is en þar sagði hún frá því að húsverðir í Bifröst hefðu fengið gefins notaða stóla frá Sambíóunum til að skipta út gömlu stólunum í Bifröst. Stólarnir hefðu verið sóttir suður en skilja mátti á umfjölluninni að sveitarfélagið hefði tekið ákvörðun um að henda stólunum því starfsmenn hefðu ekki nennt að standa í veseninu sem fylgdi stólaskiptunum, þrífa hefði þurft stólana og laga. Feykir spurði Sigfús Inga Sigfússon sveitarstjóra út í málið.Meira -
Alor lýkur 100 milljón króna fjármögnun
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.01.2026 kl. 11.06Alor hefur lokið sínu fyrsta hlutafjárútboði þar sem félagið sótti 100 milljónir króna frá fjárfestum. Fjármagnið verður m.a. nýtt til þess að hraða innleiðingu stærri sólarorkuverkefna á Íslandi og efla vöruþróun orkugeymslna úr notuðum rafbílarafhlöðum. Alor hefur þegar sett upp fimm sólarorkukerfi í fjórum landshlutum og frumgerðir rafhlöðuorkugeymslna hafa verið útbúnar og samstarf með fyrstu viðskiptavinum lofar góðu.Meira -
Ályktun Hagsmunasamtaka landeigenda vegna Holtavörðuheiðarlínu 3
feykir.is Skagafjörður, Austur-Húnavatnssýsla, Vestur-Húnavatnssýsla 15.01.2026 kl. 10.55Stofnfundur Hagsmunasamtaka landeigenda vegna Holtavörðuheiðarlínu 3 var haldinn þann 14. janúar. Samtökin eru samstarfsvettvangur landeigenda og ábúenda jarða í Húnaþingi þar sem aðalvalkostur Landsnets vegna Holtavörðuheiðarlínu 3 liggur um.Meira
