Líney og Svavar Knútur með fyrirlestur um félagslega einangrun
Sveitarfélagið býður íbúum Skagafjarðar á áhugaverðan fyrirlestur föstudaginn 30. janúar kl. 17:00 í Húsi Frítímans á Sauðárkróki en þá mæta Líney Úlfarsdóttir sálfræðingur og Svavar Knútur tónlistarmaður og fjalla um félagslega einangrun. Auk þess munu þau taka samtal við fundargesti um bæði þær áskoranir og möguleika sem finnast í samfélaginu í Skagafirði.
„Félagsleg einangrun er vaxandi lýðheilsuvandi um allan heim og hefur m.a. Alþjóðaheilbrigðisstofnunin (WHO) skilgreint hana sem lýðheilsuvá á pari við ofneyslu áfengis og tóbaks, offitu og fleira. Félags- og húsnæðismálaráðuneytið fól Líneyju og Svavari Knúti að leiða vitundarvakningu um þennan vanda árið 2024 og er þessi fræðslufundur hluti af því verkefni.
Í fyrirlestri sínum fara tvímenningarnir yfir helstu einkenni félagslegrar einangrunar, þau áhrif sem hún hefur á samfélög okkar og hvað við sem einstaklingar og nærsamfélag getum gert til að sporna við þessari þróun og jafnvel snúa henni við. Þau munu mögulega deila fróðleik sem hefur rekið á fjörur þeirra víða um land og jafnvel verður gítarinn með í för til að ljúka fundinum með smá upplyftingu.
Félagsleg einangrun snertir fólk í öllum aldurs- og samfélagshópum og er því brýnt að samfélagið allt taki höndum saman til að vinna á þessari nýju ógn. Því eru öll velkomin á fyrirlesturinn og þær umræður sem vonandi skapast í kjölfarið.
Viðburðurinn er opinn öllum og aðgangur ókeypis. Sveitarfélagið hvetur sérstaklega einstaklinga 60 ára og eldri, fjölskyldur þeirra, vini og aðstandendur til að mæta, hlusta og taka þátt í umræðunni,“ segir í tilkynningu á vef Skagafjarðar.
Fleiri fréttir
-
Markalaust jafntefli hjá Stólastúlkum
feykir.is Skagafjörður, Íþróttir, Lokað efni 26.01.2026 kl. 13.27Kjarnafæðimótið í knattspyrnu er enn í fullum gangi og um helgina léku Stólastúlkur við lið Völsungs frá Húsavík í Boganum á Akureyri. Í síðustu viku léku strákarnir aftur á móti við lið Knattspyrnufélags Fjallabyggðar.Meira -
Viðburðavarpið hefur fengið frábær viðbrögð
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 26.01.2026 kl. 10.37„Þetta er hlaðvarp sem ég er búinn að vera með á teikniborðinu nokkuð lengi, ég byrjaði að taka viðtöl sem áttu að fara inn í þetta árið 2022 en þau enduðu á dagskrá Rásar 2 í þáttum sem hétu Útihátíð. Ég ákvað síðan í haust að ýta þessu aftur af stað og fékk minn góða vin og kollega í Háskóla Íslands, Jakob Frímann Þorsteinsson, til að vera með mér í að koma þessu í gang,“ segir Áskell Heiðar Ásgeirsson, sem kennir Viðburðastjórnun við Háskólann á Hólum, þegar Feykir spurði hann út nýtt hlaðvarp, Viðburðavarpið.Meira -
Undirskriftapenninn kominn í fulla notkun hjá Húnvetningum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.01.2026 kl. 09.57Feykir hafði nýverið samband við Aðdáendasíðu Kormáks og Hvatar, sem allt veit um ástand mála í herbúðum knattspyrnuliðs Húnvetninga, og hóf leik á að spyrja hvort lið Kormáks/Hvatar væri að spila einhverja æfingaleik í byrjun árs. „Húnvetningar eru á fullu við að undirbúa tímabilið, en æfingaleikir á þessum árstíma hafa aldrei verið mikið fyrir okkur. Sól Kormáks Hvatar rís í maí og allt fram að því er aukaatriði,“ var svarið.Meira -
Byggðaleiðin: Ákvörðun sem mótar framtíðina | Anna Sigga, Guðrún og Valgerður Freyja skrifa
feykir.is Austur-Húnavatnssýsla, Aðsendar greinar, Vestur-Húnavatnssýsla 26.01.2026 kl. 08.47Flutningskerfi raforku heldur samfélaginu gangandi. Það tryggir að heimili, fyrirtæki og stofnanir um allt land hafi öruggt aðgengi að rafmagni og þess vegna skiptir miklu máli að byggja kerfið upp og þróa áfram; það snýst um bæði orkuöryggi og öryggi þjóðarinnar. Núverandi byggðalína er komin til ára sinna og er flutningur raforku um hana háður miklum takmörkunum. Svigrúm til tengingar nýrra notenda eða framleiðslueininga er nánast ekkert.Meira
