Dagur leikskólans haldinn hátíðlegur
Dagur leikskólans er haldin hátíðlegur um allt land í dag og eru leikskólar hér á Norðurlandi vestra þar ekki undanskildir.
Börn og starfsfólk á eldra stigi leikskólans Ársala ætla að fylkja liði í Skagfirðingabúð og taka lagið fyrir viðstadda kl. 10:30. Foreldrar eru hvattir til að koma og hlusta á barnahópinn. Einnig verður sveitarstjóra Skagafjarðar afhent veggspjald með gullmolum nemenda Ársala sem teknir voru saman af kennurum leikskólans um kl. 13.
Börn og kennarar í leikskólanum Birkilundi í Varmahlíð ætla í tilefni dagsins að ganga saman upp í Varmahlíðarskóla og syngja þar nokkur lög fyrir viðstadda kl 10:05. Foreldrar eru velkomnir með.
Foreldrar barna á Tröllaborg austan vatna, er boðið í „hábít“ í tilefni dagsins, eins og í fyrra.
Foreldrar barna á leikskólanum Barnabæ á Blönduósi er boðið að snæða morgunverð með börnum sínum, líkt og í fyrra. Einnig ætla börnin á Fjallabæ, ásamt kennurum, að ganga á Bæjarskrifstofuna um kl. 13 og afhenda bæjarstjóranum veggspjald í tilefni dagsins.
Leikskólinn Ásgarður á Hvammstanga verður opinn frá kl. 9-11 og 13-14:15 og gefst gestum og gangandi tækifæri til að skoða leikskólann og sjá þær breytingar sem unnið hefur verið að undanfarna mánuði, útfrá Flæði- hugmyndafræðinni.
Nemendur og kennarar Barnabóls opna listsýningu í Landsbankanum á Skagaströnd með fjölbreyttum verkum eftir nemendur á aldrinum 1-6 ára. Einnig verður farið á skrifstofu sveitarfélagsins þar sem afhent verður plakat með gullkornum leikskólanemenda sem Félaga leikskólakennara og Félaga stjórnenda leikskóla hafa tekið saman.
Þess má geta að í febrúar fer af stað samstarfsverkefni milli Leikskólans Barnabóls og Neslistamiðstöðvar í tilefni af 35 ára afmæli leikskólans þann 7. júní 2012. Hollenska listakonan AnneMarie von Splunter ætlar að gera heimildamynd um leik og starf nemenda Barnabóls. Myndin verður sýnd á Skagaströnd, sett á heimsíðu Neslistamiðstöðvar og hugsanlega sýnd á kvikmyndahátíðum.
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
