Dagur sjálfboðaliðans | Frá UMFÍ
|
Árið 1985 ákváðu Sameinuðu þjóðirnar að 5. desember yrði helgaður sjálfboðaliðum og síðan þá hefur dagurinn verið haldinn hátíðlegur víða um heim ár hvert. Íþróttahreyfingin á Íslandi lætur sitt ekki eftir liggja og halda ÍSÍ og UMFÍ nú upp á daginn þriðja árið í röð. Við hvetjum íþróttahéruð og sérsambönd til að taka þátt með því að tilnefna sjálfboðaliða úr sínum röðum og lyfta þannig upp því góða fólki sem sinnir ómetanlegu starfi innan hreyfingarinnar. Svæðisstöðvar íþróttahéraða verða ykkur til halds og trausts við verkefnið og miðlun þess á hverju svæði. Í tilefni dagsins hlýtur svo einn sjálfboðaliði á hverju landsvæði viðurkenningu. Markmiðið er að vekja athygli á mikilvægu starfi sjálfboðaliða og sýna þakklæti í verki fyrir dýrmætt framlag þeirra til íþróttahreyfingarinnar. Tilgangurinn er ekki að meta hver leggur mest af mörkum, heldur að beina kastljósinu að þessu frábæra fólki og minna á að framlag hvers og eins skiptir máli. Á slóðinni hér að neðan getið þið tilnefnt sjálfboðaliða á ykkar starfssvæði, ásamt rökstuðningi, til og með 27. nóvember. Dregið verður úr tilnefningum fyrir hvert landsvæði í Íþróttamiðstöðinni í Laugardal 1. desember og niðurstöður kynntar í kringum Dag sjálfboðaliðans á miðlum íþróttahreyfingarinnar. Sá sjálfboðaliði sem dreginn verður út á hverju landsvæði hlýtur lítinn þakklætisvott fyrir framlag sitt og verður jafnframt fjallað um hann á miðlum ÍSÍ og UMFÍ. Hver einstaklingur fer aðeins einu sinni í útdráttarpottinn, óháð því hversu margar tilnefningar hann fær. Smelltu hér til að opna tilnefningarformið Við hvetjum ykkur jafnframt til að deila slóðinni með félögum og öðrum innan ykkar vébanda. Því fleiri tilnefningar, því betur sést hversu öflugt sjálfboðaliðastarf er unnið um allt land. Þegar nær dregur sendum við ykkur frekari upplýsingar, meðal annars þakkarkveðjur sem þið getið nýtt á eigin miðlum. umfi.is |
Fleiri fréttir
-
Íbúafundur á Skagaströnd á fimmtudaginn
feykir.is Austur-Húnavatnssýsla, Aðsendar greinar, Mannlíf 09.11.2026 kl. 11.20Sveitarstjórn Sveitarfélagsins Skagastrandar býður íbúa velkomna á opinn íbúafund um stöðu sveitarfélagsins, atvinnuuppbyggingu og önnur málefni sem varða samfélagið.Meira -
Það er Bangsaleikur í Síkinu í kvöld – látum gott af okkur leiða!
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Mannlíf 09.11.2026 kl. 09.27Sjötta umferðin í Bónus deild karla í körfubolta hefst í kvöld í Síkinu þar sem Stólarnir taka á móti liði ÍR. Leikurinn er leikinn snemma vikunnar þar sem Tindastólsmenn spila í ENBL-deildinni hér heima á fimmtudaginn. En það er ekki allt. Í kvöld er nefnilega Bangsaleikur þar sem áhorfendur eru hvattir til að kaupa bangsa í Síkinu – til styrktar Einstökum börnum – og kasta þeim síðan inn á völlinn þegar fyrsti þristur kvöldsins lítur dagsins ljós.Meira -
Réttir á Íslandi – Umhverfis landið
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.11.2026 kl. 11.30Út er komin hjá bókaútgáfunni Nýhöfn, glæsileg bók með ljósmyndum og texta eftir Önnu Fjólu Gísladóttur. Í bókinni eru myndir af um 700 réttum hringinn í kringum landið. Það er ljóst að gríðarleg vinna liggur á bak við bókina og erfitt annað en taka ofan fyrir Önnu Fjólu fyrir þetta framtak. Í formála að bókinni segir Anna Fjóla:Meira -
Svejk er víða - Leiðari 41. tbl.
feykir.is Skagafjörður, Aðsendar greinar, Listir og menning 07.11.2026 kl. 12.30Ég hef frá rennandi blautu barnsbeini verið mikill aðdáandi góða dátans Svejk eftir Jaroslav Hasek. Fyrstu kynni okkar voru örugglega í gegnum lestur Gísla Halldórssonar á gömlu Gufunni góðu. Það mun hafa verið árið 1979 sem Gísli las Svejk fyrir þjóðina með miklum tilþrifum og mun lesturinn hafa fengið mikla hlustun.Meira
