Deiliskipulag skólasvæðis á Hvammstanga auglýst
Á fundi byggðarráðs Húnaþings vestra þann 15. júlí sl. var samþykkt að auglýsa tillögu að deiliskipulagi skólasvæðisins Hvammstanga og til samræmis breytingu á deiliskipulagi austan Norðurbrautar Hvammstanga.
Í auglýsingunni segir að svæðið sem deiliskipulag skólasvæðisins nær til sé 5,1 ha að stærð og afmarkist af götuköntum og lóðarmörkum. Skipulagsmörk eru við Hlíðarveg að norðan, að austan meðfram Kirkjuvegi og með lóðarmörkum Hvammstangakirkju að norðanverðu og í línu suður um útivistarsvæði að leikskóla og kvenfélagsgarði. Sunnanverð skipulagsmörk miðast við lóðamörk við Garðaveg, Ásbraut og Lækjargötu og að vestan fylgja mörkin Hvammstangabraut og Fífusundi. Deiliskipulagstillagan felur í sér skilgreiningu á lóðamörkum, afmörkun byggingarreita, umferðarflæði á svæðinu ásamt staðsetningu leik- og dvalarsvæða. Fyrirhuguð stækkun Grunnskóla Húnaþings vestra er helsta forsenda fyrir gerð skipulagsins.
Samhliða skipulaginu var unnin byggðakönnun ásamt fornleyfaskýrslu á svæðinu sem er hluti af gögnunum.
Breyting á deiliskipulagi austan Norðurbrautar felur í sér breytingu á syðri skipulagsmörkum en skipulagssvæðið minnkar um 3,2 ha í samræmi við nýtt deiliskipulag skólasvæðisins og verður 25,3 ha eftir breytinguna. Breytingar í greinagerð fela í sér að kafli 5.0 skólareitur fellur úr skipulaginu. Skilmálar um lóðir íþróttamiðstöðvar, grunnskóla og kirkju falla úr gildi.
Athugasemdir og ábendingar varðandi skipulagið þurfa að berast í síðasta lagi 1. september 2019 á skrifstofu Húnaþings vestra eða á netfangið skrifstofa@hunathing.is. Þær skulu vera skriflegar, þar sem nafn, kennitala og heimilisfang sendanda kemur fram.
Tillögurnar munu hanga uppi í þjónustuanddyri Ráðhússins, Hvammstangabraut 5, 530 Hvammstanga frá 20. júlí – 1. september 2019.
Gögn varðandi tillöguna má nálgast hér:
Deiliskipulagstillaga skólasvæðisins Hvammstanga
Tillaga að breytingu á deiliskipulagi austan Norðurbrautar vegna skipulagsmarka
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.