Dr. Ingibjörg tekur tímabundið við formennsku stjórnar Rannsóknamiðstöðvar ferðamála
Dr. Ingibjörg Sigurðardóttir, deildarstjóri Ferðamáladeildar Háskólans á Hólum, hefur tekið tímabundið við formennsku, í leyfi Dr. Þórhalls Guðlaugssonar, í stjórn Rannsóknamiðstöðvar ferðamála (RMF). Í frétt á vef Háskólans á Hólum kemur fram að þetta undirstriki mikilvægt hlutverk hennar innan ferðamálafræða og styrki jafnframt stöðu Háskólans á Hólum í rannsóknum og þróun á sviði ferðaþjónustu.
Rannsóknamiðstöð ferðamála er samstarfsvettvangur Háskólans á Hólum, Háskóla Íslands og Háskólans á Akureyri, auk fulltrúa frá atvinnulífi. Markmið miðstöðvarinnar er að efla rannsóknir, styrkja tengsl fræða og atvinnugreinar og auka skilning á áhrifum ferðaþjónustu á samfélag, efnahag og umhverfi.
Þá segir í fréttinni að nýlega fór fram aðalfundur RMF á Akureyri þar sem farið var yfir starfsemi síðasta árs og helstu áherslur til framtíðar. Ingibjörg flutti ávarp á fundinum sem formaður stjórnar og kynnt var ársskýrsla og starfsáætlun miðstöðvarinnar fyrir árið 2026.
„Á aðalfundinum urðu einnig breytingar á stjórn og var fjallað um áframhaldandi þróun og samstarf á sviði ferðamála, sem er ein af lykilatvinnugreinum landsins. Slíkir fundir eru mikilvægir fyrir stefnumótun og samráð milli fræða og atvinnulífs.
Ingibjörg hefur um árabil verið leiðandi í uppbyggingu ferðamálafræða á Íslandi, bæði í kennslu og rannsóknum. Undir hennar stjórn hefur Ferðamáladeild Háskólans á Hólum styrkt stöðu sína sem mikilvægur vettvangur fyrir menntun og rannsóknir í greininni.
Tímabundin staða Ingibjargar sem formann RMF er því mikilvæg viðurkenning á hennar framlagi og eykur enn frekar aðkomu Háskólans á Hólum að stefnumótun og þróun ferðamála á Íslandi. Háskólinn á Hólum óskar henni til hamingju með formennskuna.“
Fleiri fréttir
-
Vestmannaeyingar koma á Krókinn
feykir.is Skagafjörður, Íþróttir, Lokað efni 28.04.2026 kl. 16.03Um liðna helgi tryggði kvennalið Tindastóls í knattspyrnu sig inn í 16 liða úrslit Mjólkurbikars kvenna með 3-0 sigri á liði ÍR. Í dag var svo dregið í keppninni og góðu fréttirnar eru þær að Stólastúlkur fá heimaleik en verri fréttirnar eru að liðið mætir Bestu deildar liði ÍBV en liðin mættust í Lengjubikarnum fyrr í vetur og þá fór illa.Meira -
Framkvæmdir að hefjast á Skagavegi
feykir.is Austur-Húnavatnssýsla, Lokað efni 28.04.2026 kl. 15.25Íbúar á vestanverðum Skaga kættust nú í morgun þegar verktakar mættu með vélar sínar en það styttist í að framkvæmdir hefjist við Skagaveg. Vegagerðin samdi við Mjölni Selfossi um að annast verkið en Páll Sighvatsson hjá Vegagerðinni segir að þeir hafi í dag verið að merkja vinnusvæðið og koma með tæki sín.Meira -
Vísindadagur á Skagaströnd
feykir.is Austur-Húnavatnssýsla, Mannlíf 28.04.2026 kl. 14.53Fimmtudaginn 16. apríl s.l. var haldinn vísindadagur fyrir nemendur í 10. bekk Höfðaskóla á Skagaströnd þar sem áhersla var lögð á að kynna þeim fjölbreytt svið vísinda og tækni með fræðslu og verklegum æfingum.Meira -
Stefnt að tjaldsvæði við Borgargerði á Sauðárkróki
feykir.is Skagafjörður, Lokað efni 28.04.2026 kl. 11.10Um langt árabil hafa Króksarar leitað að hentugum stað fyrir tjaldsvæði bæjarins en lengi hefur legið fyrir að tjaldsvæðið á Flæðunum, milli sundlaugar og Safnahússins, yrði að víkja. Unnið var skipulag að tjaldsvæði í Sauðárgili en eftir mótmæli íbúa í nálægð við svæðið var ákveðið að hætta við það. Nú síðustu misserin hefur valið staðið á milli tjaldsvæðis á Nöfum og við Borgargerði og á síðasta fundi sveitarstjórnar var samþykkt að auglýsa skipulagslýsingu fyrir Tjaldsvæði við Borgargerði á Sauðárkróki.Meira
