Geta hráefniskaup haft áhrif á byggðaþróun? | Elínborg Erla Ásgeirsdóttir skrifar
Á hverjum virkum degi eru framreiddar yfir 1000 opinberar máltíðir í Skagafirði, t.d í leikskólum, grunnskólum og öðrum stofnunum sveitarfélagsins. Að jafnaði eru um 250 virkir dagar á ári, svo við erum að tala um yfir 250.000 máltíðir ár hvert. Þó miðað sé við hóflegt hráefnisverð má því áætla að kostnaðurinn nemi hundruðum milljóna.
Þarna erum við ekki bara að tala um þjónustu og mikilvægt lýðheilsumál, heldur eitt öflugasta verkfæri sveitarfélaga til að hafa áhrif á atvinnu, nýsköpun og byggðaþróun. Verkfæri sem hingað til hefur verið lítið nýtt.
Við getum nefnilega haft áhrif á hvert þetta fjármagn rennur og nýtt þannig daglegan rekstur sveitarfélagsins til þess að styrkja innviði. Ein öflugasta og skilvirkasta aðferðin er markviss innkaupastefna.
En hvað þýðir það?
Jú, einfaldlega að settur er rammi um hvernig innkaupum er háttað út frá skilgreindum markmiðum. Til dæmis að velja skagfirsk hráefni þegar þau eru í boði, leggja áherslu á sjálfbæra matvælaframleiðslu, auka vægi hreinna afurða og draga úr mikið unnum matvælum.
Við gætum einnig markað þá stefnu að styðja við smærri framleiðendur með því að velja vörur þeirra frekar en vörur frá stærri aðilum og að auka hlutdeild lífrænt vottaða afurða. Eða að gefa nýsköpun og nýjum framleiðendum tækifæri til stöðugleika á fyrstu mánuðum reksturs með því að gera við þá innkaupasamninga.
Innkaupastefnan yrði mótuð í samstarfi við starfsfólk mötuneytanna og byggð á þeirra reynslu. Samhliða mætti setja markmið um nýtingu hráefna og vinna markvisst gegn matarsóun til þess að halda niðri kostnaði. Gott samstarf, styttri flutningsleiðir og ferskara hráefni skila einnig raunverulegum ávinningi.
Þannig verða dagleg útgjöld verkfæri til uppbyggingar matvælaframleiðslu í Skagafirði. Tekjur haldast frekar í héraði, hvati skapast til nýsköpunar, störf verða til og aukin tækifæri til uppbyggingar. Opinber innkaup verða ekki bara kostnaður, heldur fjárfesting í innviðum.
Skagafjörður er nú þegar ríkur af frumkvöðlum í matvælaframleiðslu og í raun einstakur á landsvísu sem matarkista og framleiðsluhérað. Meðvitaðar ákvarðanir í daglegum rekstri geta styrkt þann grunn enn frekar, á sama tíma og við styðjum við sjálfbærni og bætta lýðheilsu. Það er tækifæri sem við ættum nýta.
Elínborg Erla Ásgeirsdóttir
Höfundur er matvælaframleiðandi og skipar 4. sæti Byggðalistans í Skagafirði
Fleiri fréttir
-
Frystiklefi Dögunar tekur á sig mynd
feykir.is Skagafjörður, Lokað efni 24.04.2026 kl. 10.15Feykir sagði frá því í nóvember að rækjuvinnslan Dögun á Sauðárkróki hefði hafið framkvæmdir við byggingu 1600 fermetra frystiklefa á Hesteyri á Sauðárkróki. Ekki er annað að sjá en að verkinu miði vel en í vetur var plata steypt og nú hefur grindin verið reist.Meira -
Þrír sameiginlegir framboðsfundir áætlaðir í Skagafirði
feykir.is Skagafjörður 24.04.2026 kl. 09.34Það styttist óðum í sveitarstjórnarkosningar en þær fara fram laugardaginn 16. maí næstkomandi og því um þrjár vikur þangað til kosið verður. Samkvæmt upplýsingum Feykis er stefnt að því að halda þrjá sameiginlega kosningafundi í Skagafirði og verður sá fyrsti í Miðgarði þann 3. maí.Meira -
Ótrúlega mikil gleði fólgin í því að vinna saman alþjóðlega
feykir.is Vestur-Húnavatnssýsla, Listir og menning, Mannlíf 23.04.2026 kl. 14.36Sagt var frá því í byrjun vikunnar að Handbendi brúðuleikhús á Hvammstanga stæði fyrir uppsetningu á splunkunýrri brúðuleikhússýningu, Rót, hjá Leikfélagi Akureyrar nú á laugardaginn og hefst sýningin kl. 16:00. Feykir spurði listakonuna Gretu Clough, sem er bandarísk að uppruna, aðeins út í sýninguna en Greta býr á Hvammstanga ásamt manni sínum, Sigurði Líndal, og dóttur þeirra. Fyrst var spurt hvernig sagan hefði komið til.Meira -
„Það væri öllum til hagsbóta ef samvinna sveitarfélaganna í landshlutanum yrði enn þéttari“
feykir.is Austur-Húnavatnssýsla, Mannlíf, Lokað efni 23.04.2026 kl. 12.57„Við höfum allt þetta kjörtímabil verið að vinna að gríðarlega mikilvægum verkefnum t.d. þeim sem snúa að breytingu á orkulögum og nýrri byggðarlínu sem snerta hagsmuni allra íbúa núna og um langa framtíð, þau verkefni halda áfram og þótt trollið sé orðið fullt þá þarf að koma því upp á dekk og aflanum í land þannig að hægt sé að búa til verðmæti. Þetta hefur verið verkefnið og verður ennþá næstu misseri,“ segir Pétur Bergþór Arason, sveitarstjóri Húnabyggðar, aðspurður um hver mikilvægustu verkefnin séu sem sveitarfélagið hyggst vinna að á þessu ári. Pétur er þriðji sveitarstjórinn á Norðurlandi vestra sem svarar spurningum Feykis þetta vorið.Meira
