Ekki fyrsta peningafölsunarmálið í Skagafirði
Feykir sagði frá því um liðna helgi að lögreglan á Norðurlandi vestra biðlaði til almennings og verslunareigenda að vera á varðbergi gagnvart fölsuðum peningaseðlum sem væru í umferð. Í fréttum RÚV í hádeginu kom fram að málið virðist ekki umfangsmikið, enn hefur aðeins einn falsaður 5000 krónu seðill uppgötvast, en öll peningarfölsunarmál tekur lögreglan af fullri alvöru.
Rúv.is hefur eftir Birgi Jónassyni, nýskipuðum lögreglustjóra á Norðurlandi vestra, að verslunareigandi í Skagafirði hafi tilkynnt um málið til lögreglu. „Þetta er í sjálfu sér bara mjög einföld aðferð, þannig, þetta er bara seðill sem virðist hafa verið ljósritaður báðar hliðar og límdar saman. Ég myndi nú ekki segja að þetta væri ýkja raunverulegur seðill,“ segir Birgir en tekur fram að um alvarlegt brot sé að ræða sem varðar við fangelsi. Lögreglan mun leita vísbendinga og athuga hvort hjálp sé í eftirlitsmyndavélum á svæðinu.
Fölsunarmál kennt við Jón Pálma frá því 1914
Ekki mun þetta vera fyrsta peningafölsunarmálið í Skagafirði en frægt er mál tengt Jóni Pálma Jónssyni, ljósmyndara á Sauðárkróki, sem upp kom árið 1914. Guðmundur Jósafatsson frá Brandsstöðum og Jón Jóhannesson frá Siglufirði rituðu greinar sem birtust í Skagfirðingabók árið 1993.
Þar segir að Jón Pálmi hafi falsað 16 danska National-bankaseðla, 100 krónur, og tólf 10 krónu seðla, á þann hátt að seðlarnir „...voru ljósmyndaðir, sín hlið þeirra í hvoru lagi og límdar saman. Var fölsunin mjög haglega gerð.“ Jón var ekki sá er setti peningana í umferð, það gerði Gunnar Sigurðsson veitingamaður á Sauðárkróki sem tekinn var fastur á ferð til Reykjavíkur. Hann gekkst við glæpnum og benti á Jón Pálma sem þann er framkvæmt hafði fölsunina. Í yfirheyrslum kom fram að upphaf tiltækisins hafi verið leikur sem til var stofnað með veðmáli.
Saga Jóns Pálma er öll með miklum ólíkindum en eftir að hafa játað sína sök sat hann lengi í gæsluvarðhaldi en var loks sleppt gegn tryggingu meðan hann beið dóms. Hann var dæmdur í tveggja og hálfs árs betrunarhússvinnu og til að greiða allan kostnað af málinu. Dómsniðurstaðan er sögð hafa komið Jóni mjög á óvart en hann hafði gert sér vonir um að þurfa einungis að greiða sekt. Snemma vors 1915 hvarf Jón af Sauðárkróki. Var gerð að honum dauðaleit en allt kom fyrir ekki. Hann komst til Siglufjarðar eftir að hafa verið í felum og um haustið komst hann til Noregs með norsku flutningaskipi undir nafninu Arne Hansen.
Kristmundur Bjarnason frá Sjávarborg sagði frá þessu máli í Sögu Sauðárkróks en hér má finna slóð á frásögn Guðmundar og Jóns í Skagfirðingabók >
Fleiri fréttir
-
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.