Elín Dögg hefur verið ráðin í starf fjármálastjóra Skagafjarðar
Elín Dögg Väljaots Gunnarsdóttir hefur verið ráðin í stöðu fjármálastjóra Skagafjarðar. Elín Dögg er með BS- og MS-gráðu í viðskiptafræði frá Háskólanum á Akureyri með áherslu á stjórnun og alþjóðlegt rekstrarumhverfi. Í frétt á heimasíðu Skagafjarðar segir að hún hafi víðtæka reynslu á sviði rekstrar, fjármála og stjórnunar og hefur meðal annars gegnt stöðu rekstrar- og fjármálastjóra hjá Dekkjahöllinni, auk þess sem hún var einn eigenda fyrirtækisins.
Samhliða störfum sínum hefur hún kennt við Háskólann á Akureyri, meðal annars í kostnaðarbókhaldi, fjárhagsbókhaldi og áætlanagerð. Elín Dögg býr yfir sterkri greiningarhæfni, er talnaglögg og hefur mikla reynslu af því að styðja stjórnendur í ákvarðanatöku með hagnýtri nálgun á rekstur og fjármál.
Elín mun hefja störf í haust og tekur við keflinu af Margeiri Friðrikssyni. Á sama tíma og við bjóðum Elínu hjartanlega velkomna til starfa hjá sveitarfélaginu, vill starfsfólk Skagafjarðar þakka Margeiri innilega fyrir hans mikilvæga framlag til sveitarfélagsins. Hann hefur lagt líf og sál í uppbyggingu þess í hart nær þrjá áratugi. Þótt hann láti af störfum sem fjármálastjóri mun hann áfram sinna verkefnum fyrir sveitarfélagið fram á vormánuði 2027.
Fleiri fréttir
-
Eyþór Ingi verður í stuði í Höfðaborg í kvöld
feykir.is Skagafjörður 19.06.2026 kl. 13.57Bæjarhátíðin Hofsós heim hófst í gær, fimmtudaginn 18. júní, með grillveislu í Höfðaborg. Dagskráin í dag, föstudaginn 19. júní, hefst kl. 16:00 á gönguferð. Seinna í kvöld stígur Eyþór Ingi á svið í Höfðaborg og þar má búast við mikilli stemningu.Meira -
Emma Katrín og landslið U19 í badminton á leið á stórmót í Englandi og Ungverjalandi í sumar
feykir.is Skagafjörður, Íþróttir, Aðsendar greinar 19.06.2026 kl. 13.14Fyrr í dag kom fram á Facebook síðu Badmintondeildar Tindastóls að Emma Katrín Helgadottir, badmintonkona frá Badmintondeild Tindastóls, hefur verið valin í U19 ára landslið Íslands í badminton.Meira -
Þjóðhátíðardeginum var vel fagnað
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2026 kl. 08.25Þjóðhátíðardagur Íslendinga var haldinn hátíðlegur á miðvikudaginn, 17. júní og haldið var upp á daginn um landið. Margt var um að vera á Norðurlandi vestra en á Blönduósi, Hvammstanga og á Sauðárkróki var haldið upp á daginn með skemmtilegum dagskrám.Meira -
Miðgarður Café hefur opnað í Miðgarði
feykir.is Skagafjörður, Mannlíf, Lokað efni 19.06.2026 kl. 08.09Í gær opnaði Miðgarður Café í Menningarhúsinu Miðgarði í Varmahlíð fyrir gestum en það eru Sigga Jóna og Snorri, húsráðendur í Miðgarði, sem reka kaffihúsið. „Opnunardagurinn gekk virkilega vel, það var rennerí allan daginn og um 100 manns litu við hjá okkur, allir virkilega ánægðir með þetta framtak,“ sagði Sigga Jóna þegar Feykir spurði hvernig gekk.Meira
