Endurskoðuð fjárhagsáætlun Blönduóssbæjar 2011
Valgerður Hilmarsdóttir, fjármálastjóri Blönduóssbæjar kynnti endurskoðaða fjárhagsáætlun sveitarfélagsins fyrir árið 2011 á fundi bæjarstjórnar í vikunni. Þar útskýrði hún einstaka liði og ástæður breytinga. S-listinn lét bóka að auk óviðráðanlegra þátta þá hafi einstaka ákvarðanir bæjarstjórnar og heimildarlausar ákvarðanir leitt til lítils háttar aukins kostnaðar eða tekna.
Helstu niðurstöður endurskoðaðrar fjárhagsáætlunar er að heildartekjur samstæðu nema 655.667 þús. en í samþykktri áætlun er gert ráð fyrir að tekjur verði 639.972 þús. Endurskoðuð áætlun gerir ráð fyrir að rekstrarkostnaður fyrir afskriftir nemi 580.617 þús. en í fjárhagsáætlun er rekstrarkostnaður áætlaður 539.883 þús. Rekstrarniðurstaða fyrir afskriftir verði jákvæð um 75.050 þús. en í fjárhagsáætlun er reiknað með að rekstrarniðurstaða verði jákvæð um 100.089 þús. Rekstrarniðurstaða endurskoðaðrar áætlunar er neikvæð um 64.531 þús. að teknu tilliti til afskrifta og fjármagnsliða en upphafleg áætlun var neikvæð um 7.543 þús.
Nokkrar umræður urðu um áætlunina og lagði S-listinn fram eftirfarandi bókun:
Vegna endurskoðunar fjárhagsáætlunar vill S-listinn taka fram að stærsti hluti breytinga á tekjum og gjöldum sveitarfélagsins eru tilkomnar vegna óviðráðanlegra þátta s.s. verðbólgu, kjarasamninga ofl. slíkra þátta. Þó verður ekki fram hjá því horft að einstaka ákvarðanir bæjarstjórnar og heimildarlausar ákvarðanir hafa leitt til lítils háttar aukins kostnaðar eða tekna. Er brýnt að á komandi ári verði ekki um slíkt að ræða nema í neyðartilvikum.
Undir þetta rita Hörður Ríkharðsson, Þórdís Erla Björnsdóttir og Oddný María Gunnarsdóttir.
Að þessu loknu var endurskoðuð fjárhagsætlun 2011 borin undir atkvæði og samþykkt samhljóða.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
