Fagnar hundrað ára afmæli
Sigurpáll Árnason, fyrrum verslunarmaður og garðyrkjubóndi í Lundi í Varmahlíð fagnaði 100 ára afmæli í gær.
Sigurpáll fæddist og ólst upp í Ketu í Hegranesi. Hann var einn af fyrstu nemendum Garðyrkjuskólans í Hveragerði þar sem hann stundaði nám árið 1939 og var fyrsti garðyrkjubóndinn í Skagafirði en hann byggði gróðrarstöð að Gamla Lundi í Varmahlíð þar sem hann ræktaði grænmeti og sumarblóm ásamt konu sinni, Hildi Kristjánsdóttur. Á árunum 1958 til 1984 ráku þau hjónin verslunina Lund sem staðsett var í samnefndu húsi sem þau byggðu sér, rétt við þjóðveginn sem liggur í gegnum Varmahlíð.
Sigurpáll er við ágæta heilsu og ber aldurinn vel. Hann les mikið, helst ævisögur og viðtalsbækur. Þá hefur hann mikinn áhuga á að spila bridge og segist gera það eins oft og hægt er en hann fær gjarna gamla spilafélaga í heimsókn til sín á Hrafnistu í Boðaþingi þar sem hann býr nú og unir hag sínum vel. „Það er gott að vera í Boðaþingi,“ segir hann.
Sigurpáll starfaði í 55 ár með Karlakórnum Heimi og var að eigin sögn á kafi í félagsmálum meðan hann bjó í Skagafirði. Einnig segist hann hafa stundað fjallaferðir töluvert.
Hildur, kona Sigurpáls, lést árið 2004. Þau hjónin eignuðust fimm börn og afkomendurnir eru orðnir 42.
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
