Fékk áminningu fyrir að taka sýni úr gosi
Héraðsdómur Norðurlands vestra úrskurðaði í dag að áminning gegn framkvæmdastjóra lækninga á Heilbrigðisstofnun Blönduóss skuli standa. Hann hafði látið rannsaka sýni úr gosdrykk læknis sem hafði ítrekað orðið uppvís að því að sofa í vinnunni.
Pressan.is greinir frá þessu en það var í apríl í fyrra sem forstjóri Heilbrigðisstofnunar Blönduóss réði til starfa lækni við stofnunina. Héðinn Sigurðsson, framkvæmdastjóri lækninga, var á þessum sama tíma í orlofi frá 1. janúar til 31. ágúst.
Í starfsviðtali kom fram að læknirinn væri alkóhólisti en hann hafði ekki drukkið í mörg ár. Fljótlega eftir að hann hóf störf bárust tilkynningar frá starfsfólki sem hafði komið að lækninum sofandi á bekki á skrifstofu sinni. Gerðist það þrívegis á fyrstu þremur vikum hans í starfi.
Héðinn kom að máli við forstjóra stofnunarinnar og óskaði eftir því að læknirinn yrði látinn fara í lok reynslutíma, það er í lok júní 2010. Ekki var orðið við því og í júlí ítrekaði Héðinn þá skoðun sína að læknirinn væri óhæfur til starfa hjá stofnuninni og að hann treysti sér ekki til að vinna með honum. Í ágúst ítrekaði hann enn og aftur þessa skoðun.
Héðinn tók sýni úr gosdrykkjaflösku læknisins án hans vitundar og sendi til rannsóknarstofu í lyfja- og eiturefnafræði og óskaði eftir því að leitað yrði að ávana- og fíkniefnum. Niðurstaða úr sýnatökunni leiddi ekkert í ljós. Fyrir það fékk hann áminningu sem hann var ekki sáttur við og höfðaði mál til að fá áminninguna niður fellda.
Sjá frétt á Pressunni.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
