Ferðumst af öryggi um páskana
Líkt og endranær verða margir á faraldsfæti um páskana. Útlit er fyrir fremur kalda páska miðað við árstíma og má búast við slyddu eða frosti á nokkrum stöðum á landinu, jafnvel snjókomu. Færð kann því að spillast, hætt er við hálku og er fólk því eindregið hvatt til að aka varlega. Með góðum undirbúningi ferðalagsins og með öryggið að leiðarljósi ættu allir að komast heilir heim.
Ef bíll er ferðamátinn þarf að tryggja að hann sé útbúinn í samræmi við fyrirhugaða ferð. Til að mynda er himinn og haf á milli þess að aka um hálendið eða ferðast á þjóðvegum. Færð og veður þarf alltaf að skoða og taka mið af, sama hvert förinni er heitið.
Allir í bílnum eiga að nota bílbelti og börn einnig annan viðeigandi öryggisbúnaði. Farangur þarf að festa niður. Við umferðaróhapp á 90 km/klst hraða getur höggþyngd tveggja kílóa fartölvu orðið vel yfir 200 kg. Alvarlegustu umferðarslysin verða á þjóðvegum en ekki í þéttbýli. Hraðinn er meiri þar og aukin hætta á alvarlegum árekstrum og bílveltum með alvarlegum slysum á fólki.
Talið er að 20% banaslysa í umferðinni hér á landi megi rekja til þreytu. Það er því mikilvægt að skipuleggja tíma sinn út frá akstri og vera úthvíldur áður en lagt er af stað. Ef áfengi eða önnur vímuefni hafa verið höfð um hönd kvöldi fyrir akstur er nauðsynlegt að vera viss um að nægur tími sé liðinn frá því, áður en ekið er af stað. Sturta, kaffi, matur og önnur hindurvitni flýta engu þar um. Mismunandi er manna á milli hversu langur tíminn þarf að vera og hafa þarf í huga að veikindi og lyf geta hægt á niðurbroti áfengis í líkamanum.
Í útivistinni þarf að hafa forvarnir að leiðarljósi. Skoða aðstæður vel, þekkja takmörk sín og samferðafólks, taka tillit annarra t.d. í skíðabrekkum og nota öryggisbúnað eftir því sem við á í hverju sporti.
/Fréttatilkynning frá Vís
Fleiri fréttir
-
Samvera, traust og gleði í Höfðaskóla á Skagaströnd
feykir.is Austur-Húnavatnssýsla, Mannlíf, Lokað efni 03.06.2025 kl. 11.24Skólaslit voru við Höfðaskóla á Skagaströnd sl. miðvikudag og við sama tækifæri voru nemendur 10. bekkjar útskrifaðir úr skólanum. „Við óskum ykkur öllum góðs sumarfrís og minnum á muna að vera dugleg að spyrja eftir bekkjarfélögum, leika saman, taka alla með í hópinn og vera góð og kurteis við alla,“ segir í færslu á vef skólans um leið og nemendum og forsjáraðilum er þakkað fyrir góða samveru á skólaárinu.Meira -
Ástand á Hæli
feykir.is Austur-Húnavatnssýsla, Lokað efni 03.06.2025 kl. 10.15Óveðrið kemur víða við í dag. Hjá Jóni Kristófer bónda á Hæli á Ásum í A-Hún. leitaði þessi góða kind skjóls undir rababarabeði.Meira -
Aðstæður í Fljótum farnar að líkjast ástandinu í fyrra
feykir.is Skagafjörður, Lokað efni 03.06.2025 kl. 09.25Það ýmist rignir eða snjóar þessa fyrstu daga júnímánaðar. Fljótin verða oft illa úti þegar svona viðrar og Feykir hafði því samband við Halldór Gunnar Hálfdansson á Molastöðum í Fljótum í morgun og forvitnaðist um hvort veðrið léki Fljótamenn illa. „Þetta er orðið ansi mikið og farið að líkjast ástandinu í fyrra,“ sagði Halldór.Meira -
Veður með versta móti og gleðiganga Árskóla slegin af
feykir.is Skagafjörður, Austur-Húnavatnssýsla, Vestur-Húnavatnssýsla 03.06.2025 kl. 08.47Það er leiðindaveður á Norðurlandi vestra en þó sennilega sýnu verst í Skagafirði þar sem norðanáttin nær sér vel á strik og það hellirignir. Reikna má með svipuðu veðri fram eftir degi og dregur varla úr úrkomu og vindi fyrr en líða fer á miðvikudaginn. Allir vegir eru færir en snjór og krap var á heiðum í morgun sem og í Langadalnum og Hrútafirði.Meira -
Schengen er sannarlega vandamálið | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 03.06.2025 kl. 08.21Fullyrt var í grein Þorbjargar Sigríðar Gunnlaugsdóttur, dómsmálaráðherra og þingmanns Viðreisnar, í Morgunblaðinu á dögunum að aðild Íslands að Schengen-svæðinu ætti ekki sök á því ófremdarástandi sem verið hefur viðvarandi á landamærum landsins að öðrum aðildarríkjum svæðisins. Sú fullyrðing stenzt hins vegar enga skoðun. Til að mynda er engin tilviljun að vandamálin í þeim efnum eru svo gott sem eingöngu gagnvart Schengen-svæðinu en ekki ríkjum utan þess.Meira
