Feykisþrennan | Þrír fótboltaleikir á laugardegi
Það var fótboltalaugardagur í gær en allir þrír meistaraflokkarnir á Norðurlandi vestra voru í eldlínunni. Uppskeran var eins misjöfn og hún bat orðið; einn sigur, eitt jafnetli og tap. Í Bestu deild kvenna gerðu Stólastúlkur tvö mörk á AVIS vellinum í Reykjavík en það dugði skammt því heimastúlkur í Þrótti gerðu fjögur mörk og unnu sanngjarnan 4-2 sigur.
Þróttur R – Tindastóll 4-2
Heil umferð var spiluð í Bestu deildinni í gær og það var lið Tindastóls sem fór betur af stað og komst yfir eftir tíu mínútna leik. María Dögg fékk boltann hægra megin, sendi langa seningu inn fyrir vörn heimastúlkna og þar mætti Aldís María sem sendi boltann fyrir á Jordyn sem skoraði af öryggi. Jordyn var nálægt því að skora aftur en markvörður Þróttar blakaði boltanum í þverslána. Þetta reyndist mikilvæg varsla því lið Þróttar jafnaði á 36. mínútu. Freyja Þorvarðardóttir skallaði hornspyrnu í mitt mark Tindastóls þar sem gestirnir hefðu átt að verjast miklu betur. Fjórum mínútum síðar kom Kristrún Antonsdóttir Þrótti yfir með laglegu marki eftir basl í varnarleik Stólastúlkna.
Hún bætti við öðru marki eftir tveggja mínútna leik í síðari hálfleik, skallaði hornspyrnu í markið og staðan orðin 3-1. Stólastúlkur gáfust ekki upp og minnkuðu muninn á 74. mínútu. Hugrún vann baráttuna á vallarhelmingi Þróttar, Elísa Bríet fékk boltann og sendi frábæra laumu inn fyrir vörn Þróttar þar sem vinkona hennar, Birgitta Rún, mætti inn á teig og setti boltann yfir Mollee Swift í marki Þróttar og í markið. Fyrsta mark Birgittu í Bestu deildinni og þau eiga eftir að verða fleiri. Því miður þá svöruðu Þróttarstúlkur með marki strax í kjölfarið en þá kórónaði Kristrún þrennuna eftir að hafa skallað aukaspyrnu í markið.
Aldís María varð að hverfa af velli í kjölfar marksins en hún lenti í samstuði við Monicu markvörð. Lið Tindastóls var án Laufeyjar Hörpu en Gabby var mætt á sinn stað á ný á miðjunni. Donni tjáði Fótbolta.neti að úrslitin væru svekkelsi og þá ekki hvað síst að fá á sig þrjú mörk úr föstum leikatriðum sem er eitthvað sem lið Tindastóls hefur varist vel síðustu árin. Það verður því sennilega æft eitthvað næstu daga.
Kormákur/Hvöt – KFG 1-0
Garðbæingar heimsóttu Húnabyggð í gær í 2. deild karla. Liðin voru bæði tvö neðarlega í deildinni, Kormákur/Hvöt með fjögur stig en gestirnir þrjú að loknum fimm leikjum. Stigasöfnun var því mikilvæt.
Eina mark leiksins kom eftir 28 mínútur og það er skráð á Arnar Inga Valgeirsson, leikmann KFG, sem setti boltann í eigið mark. Leikurinn var spennandi og á Aðdáendasíðunni er talað um sigur liðsheildarinnar en þó er Urosi Djuric helst þakkað fyrir að stigin þrjú urðu Húnvetninga því kappinn varði eitt víti og snýtti nokkrum dauðafærum gestanna.
Þetta mun hafa verið þrettándi heimaleikur Kormáks/Hvatar í röð þar sem þeir lúta ekki í gras. Liðið er sem fyrr í áttunda sæti 2. deildar, nú með sjö stig en á heilbrigðari stað.
Ýmir – Tindastóll 0-0
Þá lék lið Tindastóls við Ými í Kórnum í Kópavogi í 4. deildinni en það var ansi mikilvægur leikur. Stólarnir voru án Dom Furness, spilandi þjálfara liðsins, en hann var í banni. Lið Ýmis hafði unnið alla fimm leiki sína fram að þessari viðureign en það fór svo að hvorguu liðinu tókst að skora og fengu bara sitt hvort gula spjaldið í leiknum – hlýtur að vera met í deildinni en kannski ekki.
Tindastóll er í sjötta sæti deildarinnar með átta stig að loknum fimm leikjum en liðið á enn einn leik inni gegn Skallagrími og gæti með sigri í þeim leik lyft sér ofar í törfluna. Næstkomandi laugardag á lið Tindastóls loks heimaleik – vonandi – en þá koma piltar af Reykjanesi í heimsókn en þeir eru sem stendur á botni 4. deildar með eitt stig.
Fleiri fréttir
-
Mexíkósúpa og gamaldags karamella
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 27.07.2024 kl. 14.32Það er Inga Jóna Sigmundsdóttir sem er matgæðingur Feykis í tbl 33 í fyrra. Inga er fædd á því herrans ári 1970 og er alin upp á besta staðnum, Sauðárkróki, eins og hún orðaði það sjálf. Þar hefur hún alltaf búið fyrir utan fjögur ár, tvö ár á Akranesi og tvö ár í Moelven í Noregi. Inga er leikskólaliði á leikskólanum Ársölum og á fjögur börn, Sævar 27 ára, Ásrúnu 26 ára, Eyþór 19 ára og Evu Zilan 11 ára.Meira -
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.