Fjárhagsáætlun Blönduósbæjar 2012 samþykkt
Bæjarráð Blönduósbæjar samþykkti fjárhagsáætlun bæjarins fyrir árið 2012 en síðari umræða um fjárhagsáætlunina fór fram á fundi bæjarstjórnar þann 21. desember sl.
Samkvæmt áætluninni munu tekjur bæjarins vaxa um rúmar 50 milljónir frá endurskoðaðri fjárhagsáætlun 2011 en gjöld um 32 milljónir. Rekstrarniðurstaðan er áætluð jákvæð um 14 milljónir að frádregnum afskriftum samanborið við 9 milljóna króna neikvæða niðurstöðu í áætlun 2011.
Í fundargerðinni má finna eftirfarandi bókun sem forseti bæjarstjórnar lagði fram:
„Fjárhagsáætlun Blönduósbæjar 2012 var unnin af bæjarráði í góðri samvinnu meiri- og minnihluta. Tekjur vaxa um rúmar 50 milljónir frá endurskoðaðri fjárhagsáætlun 2011 en gjöld um 32 milljónir. Niðurstaða fyrir fjármagnsliði er jákvæð um rúmar 38 milljónir sem er mikil breyting frá neikvæðri niðurstöðu í ársreikningi 2010. Framlegð frá rekstri er áætluð 13,18% sem sýnir að reksturinn er í ásættanlegu horfi og veltufé frá rekstri verði 8,3% og stendur að mestu undir afborgunum langtímalána. Samkvæmt áætlun er gert ráð fyrir að skuldir samstæðunnar lækki.
Stefnt er að sölu einnar íbúðar en sveitarfélagið á 35 íbúðir.Þá eru lagðir fjármunir til ýmiskonar viðhalds og kaupa á búnaði í öllum deildum. Fjárfestingar eru í lágmarki eins og stefnt var að í langtímaáætlun 2012-2015 en munu fara vaxandi á komandi árum. Rekstrarniðurstaðan er áætluð jákvæð um 14 milljónir að frádregnum afskriftum samanborið við 9 milljóna króna neikvæða niðurstöðu í áætlun 2011.
Bæjarstjórn vill þakka bæjarráði og starfsmönnum Blönduósbæjar fyrir þá miklu vinnu sem liggur að baki fjárhagsáætlunarinnar. Lögð hefur verið áhersla á að verkefnið sé unnið af starfsmönnum og kjörnum fulltrúum með þátttöku allra þessara aðila í vinnunni. Bæjarstjórn hefur átt gott samstarf við alla þessa aðila við vinnu og þá stefnumörkun sem felst í fjárhagsáætlun Blönduósbæjar fyrir árið 2012.“
Að umræðu lokinni var fjárhagsáætlun 2012 borin undir atkvæði og samþykkt með fjórum samhljóða atkvæðum.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
