Fjöldi tilnefninga af Norðurlandi vestra á uppskeruhátíð hestamanna
Uppskeruhátíð Landssambands hestamannafélaga og Félags hrossabænda verður haldin nk. laugardagskvöld 2. nóvember í Súlnasal Hótel Sögu. Fjögur bú af Norðurlandi vestra hafa verið tilnefnd sem ræktunarbú ársins, eitt sem keppnishestabú ársins og sex knapar í sjö flokkum.
Fagráð í hrossarækt hefur valið þau hrossaræktarbú sem tilnefnd eru til árlegrar heiðursviðurkenningar Bændasamtaka Íslands, ræktunarbú ársins en valið stóð á milli 30 búa sem náð höfðu athyglisverðum árangri á árinu. Á heimasíðu Bændasamtaka Íslands segir að tilnefnd séu tólf efstu bú ársins að loknum útreikningi en í ár voru þrjú bú jöfn í tólfta sæti og eru þau því 14 í ár.
Þau fjögur bú, af Norðurlandi vestra sem eru tilnefnd eru:
Hafsteinsstaðir, Hildur Claessen og Skapti Steinbjörnsson
Hólabak, Björn Magnússon
Höfðabakki, Sigrún Kristín Þórðardóttir og Sverrir Sigurðsson
Þúfur, Gísli Gíslason og Mette Mannseth
Önnur bú eru:
Fet, Karl Wernersson
Garðshorn á Þelamörk, Agnar Þór Magnússon og Birna Tryggvadóttir Thorlacius
Hlemmiskeið 3, Árni Svavarsson og Inga Birna Ingólfsdóttir
Ketilsstaðir/Syðri-Gegnishólar, Bergur Jónsson og Olil Amble
Rauðalækur, Eva Dyröy, Guðmundur Friðrik Björgvinsson og Kristján G. Ríkharðsson
Stóra-Hof, Bæring Sigurbjörnsson og Kolbrún Jónsdóttir
Skipaskagi, Jón Árnason og Sigurveig Stefánsdóttir
Strandarhjáleiga, Sigurlín Óskardóttir, Þormar Andrésson og fjölskylda
Stuðlar, Edda Björk Ólafsdóttir og Páll Stefánsson
Torfunes, Baldvin Kr. Baldvinsson
Minni-Reykir í Fljótum er meðal fjögurra búa sem valnefnd LH, Landssambands Hestamanna tilnefndi til keppnishestabús ársins. Önnur eru Kirkjubær, Litla-Brekka, Syðri-Gegnishólar/Ketilsstaðir og Þóroddsstaðir.
Sex knapar er tengjast Norðurlandi vestra eru í hópi tilnefndra til knapaverðlauna í sjö flokkum:
Jóhann R. Skúlason sem íþróttaknapi ársins, Bergþór Eggertsson, Jóhann Magnússon og Þórarinn Eymundsson í flokki skeiðknapa ársins og sem efnilegasti knapi ársins er Ásdís Ósk Elvarsdóttir tilnefnd. Þá eru þau Helga Una Björnsdóttir og Þórarinn Eymundsson tilnefnd sem kynbótaknapar ársins.
Allir tilnefndir knapar í fullorðinsflokkum koma svo til greina sem „knapi ársins 2019“.
Sjá nánar HÉR
Fleiri fréttir
-
Vísnakeppni Sæluviku 2025
feykir.is Skagafjörður, Listir og menning, Mannlíf, Lokað efni 04.05.2025 kl. 14.56Við setningu Sæluviku Skagfirðinga er venja að birta úrslit í árlegri vísnasamkeppni, vonandi verður hún á Sæluvikudagskránni næstu hálfa öldina amk. Markmiðið er að fá fólk til að rifja upp kynni við skáldagyðjuna, botna fyrirfram gefna fyrriparta og yrkja vísu eða vísur um ákveðið efni. Í ár er það eftirtektarverður og ógnvekjandi stjórnunarstíll forseta nokkurs vestanhafs sem er yrkisefnið. Aukning þátttöku í prósentum talið er að nálgast efri tollamörk Trömps. Bárust okkur svör frá 21 hagyrðingi undir alls 26 dulnefnum . Sumir botnuðu alla fyrriparta ásamt því að senda inn eina eða fleiri vísur, einhverjir sendu aðeins eina stöku og allt þar á milli. Hver hafði sína hentisemi með það. Úr nógu var því að moða og erfitt verk beið dómnefndar.Meira -
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.