Fjölmörg verkefni á Norðurlandi vestra hlutu styrk úr Matvælasjóði
Nú um miðjan september veitti Kristján Þór Júlíusson, sjávarútvegs- og landbúnaðarráðherra, 566,6 milljónum úr Matvælasjóði en sjóðurinn styrkti 64 verkefni að þessu sinni. Alls bárust 273 umsóknir í fjóra styrkjaflokka Matvælasjóðsins og var sótt um tæplega 3,7 milljarða króna. Í umfjöllun á vef Stjórnarráðsins kemur fram að 93% umsókna hafi talist styrkhæfar. 14% þess fjármagns sem veitt var að þessu sinni rann til verkefna á Norðurlandi vestra.
Meðal verkefna sem hlutu styrki á Norðurlandi vestra má nefna þróun og markaðssetniingu gæsaafurða (Birgir Þórðarson), aðlögun framleiðsluferlis jurtamjólkur að markaðsþörfum (Steindór Runiberg Haraldsson), vöruþróun og tilraunir með innmat úr lömbum (Brjálaða gimbrin), tilraunir og vöruþróun á ætum rósum (Starrastaðir) og vöruþróun og markaðssetning á handverksostum úr geita- og sauðamjólk (Stefanía Hjördís Leifsdóttir). Allir þessir styrkir voru þrjár milljónir eða eitthvað lægri.
BioPol á Skagaströnd hlaut styrk upp á tæpar 11 milljónir vegna verkefnisins SOUL: Sustainable Omega-3 oil from Underutilized Lumpfish. Fleiri verkefni á Norðurlandi vestra hlutu styrki en þá oftar en ekki í samstarfi við fleiri aðila víða að af landinu.
Matsjá
Vefur SSNV greinir frá því að í samstarfi við Samtök smáframleiðenda matvæla hafi landshlutasamtökin og atvinnuþróunarfélög á öllu landinu lagt inn umsókn í Matvælasjóðinn og hlaut hún brautargengi og ríflega 5,3 milljón króna styrk. Verkefnið, sem kallast Matsjá – stuðningur við matarfrumkvöðla, snýr að því að veita smáframleiðendum stuðning með því að sníða aðferðarfræði úr verkefninu Ratsjá að matarfrumkvöðlum.
Á vef SSNV segir: „Afurð verkefnisins verður fræðsla fyrir smáframleiðendur til að styðja þá í að aukinni verðmætasköpun, til að styrkja stöðu þeirra, efla framleiðslu, auka sölutekjur og styðja við sjálfbærni í rekstri. Markmið stuðningskerfisins er að auka innsýn þátttakenda í rekstri og innviða fyrirtækis með það fyrir augum að finna leiðir til að auka hagkvæmni, bæta rekstur, auka fagmennsku og innleiða samfélagsábyrgð í fyrirtækin.
Smáframleiðendur matvæla fá greiningu á sínum rekstri og einkatíma með ráðgjöfum. Á svokölluðum heimafundum, sem starfsmenn landshlutasamtakanna koma til með að stýra, verður rekstur eða vara smáframleiðenda rýnt til gagns á jafningjagrundvelli. Smáframleiðendur fá jafnframt fyrirlestra og fræðslu sem tengjast starfsemi þeirra.Lagt er upp með að um sé að ræða 16 vikna tímabil. Á því tímabili verða 8 fyrirlestrar og erindi og 8 heimafundir.
Verkefnið verður unnið í breiðu samstarfi Samtaka smáframleiðenda matvæla (SSFM) og landshlutasamtakanna/atvinnuþróunarfélaga. Með víðtæku samstarfi gefst tækifæri á að mynda sterkt tengslanet meðal smáframleiðenda matvæla.“
Fram kemur í frétt SSNV að verkefnið verður nánar auglýst síðar þegar kemur að skráningum fyrir smáframleiðendur.
Hér má finna nánari upplýsingar um styrki Matvælasjóðs á vef Stjórnarráðsins >
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.