Fólk hvatt til að aðstoða við björgun á Öxnadalsheiði
Bændur í Akrahreppi í Skagafirði ásamt sjálfboðaliðum höfðu í nógu að snúast á Öxnadalsheiði í gær er þeir komu kindum til bjargar sem enga björg gátu sér veitt í fannferginu. Mikið af fé er enn á svæðinu enda göngur ekki áætlaðar fyrr en um næstu helgi. Troðnar voru slóðir í snjóinn svo hægt væri að koma fénu niður á veg þar sem það var rekið áleiðis af heiðinni. Í Bakkaselsbrekkunni var fé rekið á kerrur og keyrt niður að gangnamannakofanum.
Á heiðinni er mikill og þungur snjór sem er erfiður yfirferðar og eru kindurnar pikkfastar í snjónum ef þær hafa ekki troðna slóð til að fara eftir.
Áætlað er að halda áfram björgun í dag og hefur fólk verið hvatt til að mæta á svæðið til að aðstoða. Þannig var sett fram áskorun frá Þorsteini Broddasyni á Facebook að útivistarfólk tæki sig saman og kæmi til aðstoðar.
Að sögn Kristínar Höllu Bergsdóttur í Grænumýri er öll aðstoð vel þegin og segir hún bændur vera þakkláta fyrir stuðninginn hvort sem það eru sjálfboðaliðar, hjálparsveitamenn eða aðrir sem vinna verkið. Einnig biðja bændur vegfarendur um að taka tillit til aðstæðna þegar ekið er um heiðina.
Áætlað er að hittast við Gangnamannakofann Heiðarland í Norðurárdal kl. 9 en einnig er hægt að bætast í hópinn seinna ef það hentar fólki betur. Þeir sem ætla sér að mæta þurfa að vera búnir til að vaða snjóinn upp að brjóstum þar sem miklir skorningar og djúpur snjór er til staðar að sögn Þorsteins Broddasonar.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
