Fornt og framandi handbragð kennt í gamla pósthúsinu
Í næsta mánuði verður Vicki O´Shea með tvenn námskeið á vegum Farskólans - miðstövar símenntunnar á Norðurlandi vestra. Námskeiðin eru annars vegar í einþrykki (e. Monoprint) og hins vegar í japönsku bókbandi.
Vicki hefur talsverða reynslu af myndlistarkennslu þar sem hún starfaði við Curtin Háskóla í Ástralíu áður en hún kom hingað til Íslands. Hún lagði stund á myndlist í sama skóla og fékk háskólagráðu sína þaðan. Í Curtin háskóla kenndi hún m.a. listasögu, teikningu og þrykk. Þar kenndi hún jafnframt nemum í kennaranámi myndlist og um tíma hafði hún umsjón með listnámi fyrir fanga. Í sumar bauð hún krökkum á Sauðárkróki upp á námskeið í þrykki og japönsku bókbandi, á vegum SumarTíms.
Vicki kemur til með að halda námskeiðin í gamla pósthúsinu á Kirkjutorgi en hún keypti það húsnæði í upphafi ársins. Hún hefur verið að koma sér upp vinnustofu í kjallaranum og flutt þangað ýmis tæki og tól frá Ástralíu, sem hún notar við listsköpun sína.
Einfalt og byrjendavænt listform
Prentun og vinna með blek er fyrra námskeiðið sem boðið er upp á og verður það haldið þann 5. nóvember nk. Þá ætlar Vicki að leiðbeina þáttakendum við gerð svokallaðs einþrykks en tæknina við þrykk má rekja allt aftur til 17. aldar, þar sem m.a. listamennirnir Rembrandt og Degas gerðu tilraunir með aðferðina. Til eru margar gerðir af þrykki en einþrykk er í raun sú einfaldasta og byrjendavænasta. Þá er litur borinn á plötu sem getur verið úr ýmiskonar efniviði, t.d. málmi eða tré. Mynd eða áferð er teiknuð á og pappírinn svo lagður yfir og þrýst á með þar til gerðri pressu eða einungis með höndunum. „Þessi þrykkaðferð er ekki eins tímafrek og aðrar aðferðir þar sem oft að bíða lengi á milli atriða. Einnig er það ekki eins mikið mál ef gerð eru mistök en þau geta jafnvel gefið verkinu meira gildi,“ útskýrði Vicki og bætti við: „Mér finnst æðislegt að vinna með þrykkmyndir. Ég nýt þess að kúpla mig úr amstri dagsins, slaka á og gleyma mér í ferlinu.“
Ævafornt handbragð
Seinna námskeiðið sem Vicki verður með er í japönsku bókbandi. Námskeiðið verður haldið helgina 12.-13. nóvember nk. og er samskonar námskeið og hún hélt fyrir krakkana í SumarTím, en þó stærra í sníðum. Þá verður þáttakendum kennd hin forna list að stinga bókband (e. Stab binding) sem á rætur sínar að rekja til Japans. Farið verður í gegnum öll þrep framleiðslunnar, byrjað verður á að útbúa og skreyta pappírinn sem kemur til með að prýða kápuna fyrri daginn og hafist handa við bókbandið daginn eftir.
Allur efniviður og námsgögn eru innifalin í námskeiðsverðinu. „Það getur stundum verið erfitt að verða sér út um hráefni til þessara listforma. Ég hef helst getað nálgast það sem mig hefur vantað hjá Hvítlist en ekki allt. Því mun ég leggja áherslu á að hafa allt einfalt í námskeiðunum og að notast við þau hráefni sem eru aðgengileg hér á landi,“ sagði Vicki.
Nánari upplýsingar er hægt að finna á heimasíðu Farskólans og þar er jafnframt hægt að skrá sig á námskeiðin.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
