Forsætisráðherra flytur Hólaræðuna á Hólahátíð
Helgina 15.-16. ágúst fer fram hin árlega Hólahátíð að Hólum í Hjaltadal. Hólahátíð barnanna verður á laugardeginum og er þá dagskrá fyrir börn og fjölskyldur.Lydía Einarsdóttir svæðisstjóri æskulýðsmála og Karl Lúðvíksson íþróttakennari sjá um dagskrána.
Þá stendur einnig til boða að ganga upp í Gvendarskál með sr. Sigríði Gunnarsdóttur prófasti og sér hún jafnframt um helgistund við Gvendar-altari. Eftir það verður grillað við Auðunarstofu.
Á sunnudaginn mun Kristján B. Jónasson bókmenntafræðingur flytja fyrir-lestur sem ber yfirskriftina: „Vörn Íslands hefst á Hólum.“ Verður fyrirlesturinn í dómkirkjunni kl. 11, en kl. 14 verður hátíðarmessan.
Gísli Gunnarsson vígslubiskup prédikar en Guðrún Karls Helgudóttir, biskup Íslands, fyrrum vígslubiskup og fleiri þjóna einnig í messunni. Kirkjukór Hóladómkirkju og Skagfirski kammerkórinn syngja og organistar eru Jóhann Bjarnason og Eyþór Franzson Wechner.
Eftir veislukaffi, sem Austan vatna sér um, verður hátíðardagskrá í kirkjunni. Kristrún Frostadóttir, forsætisráðherra flytur Hólaræðuna. Auk hennar mun biskup Íslands ávarpa samkomuna og Gerður Kristný Guðjónsdóttir rithöfundur og skáld flytur ljóð. Sigríður Ásta Olgeirsdóttir syngur og meðleikari er Vilberg Andri Pálsson.
Búist er við fjölmenni á Hólahátíð að venju. Veitingstaðurinn Austan vatna er opinn. Allir eru velkomnir heim að Hólum þessa hátíðar-daga.
Dagskrána má sjá nánar í Sjónhorninu og á Facebook-síðu: Hóladómkirkja. /tilkynning.
Fleiri fréttir
-
Hollvinasamtökin HSB fengu góða gjöf | tilkynnig frá stjórn Hollvinasamtaka HSB
feykir.is Austur-Húnavatnssýsla, Aðsendar greinar, Mannlíf 07.08.2026 kl. 12.44Formaður Hollvinasamtaka HSB fékk heldur betur góða heimsók þann 5. ágúst síðastliðinn. Þarna voru mættar þær Ingibjörg á Auðólfsstöðum formaður Kvenfélags Bólstaðarhlíðarhrepps og Guðrún á Auðkúlu formaður Kvenfélags Svínavatnshrepps. Afhentu þær Sigurlaugu Þóru gjafabréf að upphæð kr: 737.800 upp í kaup á höggbylgjutæki í aðstöðu sjúkraþjálfara.Meira -
Atkvæðagreiðsla utan kjörfundar er hafin | Tilkynning frá sýslumanninum á Norðurlandi vestra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 07.08.2026 kl. 12.32Atkvæðagreiðsla utan kjörfundar vegna þjóðaratkvæðagreiðslu um aðildarviðræður við ESB er hafin. Greiða má atkvæði utan kjörfundar á kjörstöðum innan umdæmisins sem hér segir: Blönduósi, aðalskrifstofu, Hnjúkabyggð 33, Blönduósi, virka daga, kl. 09:00 - 15:00. Sauðárkróki, sýsluskrifstofu, Suðurgötu 1, Sauðárkróki, virka daga, kl. 09:00 - 15:00. Hvammstanga, ráðhúsi Húnaþings vestra að Hvammstangabraut 5, Hvammstanga, mánudaga - fimmtudaga kl. 10:00 - 14:00 og föstudaga kl. 10:00 - 12:00. Skagaströnd, stjórnsýsluhúsi að Túnbraut 1-3, Skagaströnd, mánudaga - fimmtudaga kl. 09:00 - 12:00 og 13:00 - 15:00, frá og með mánudeginum 17. ágúst 2026.Meira -
Hvað gæti ESB gert fyrir Norðurland? | Halldór Jörgen Olesen skrifar
feykir.is Skagafjörður, Aðsendar greinar 07.08.2026 kl. 12.24Norðurland er fjölbreyttasta svæði landsins utan höfuðborgarsvæðisins. Akureyri er öflug menningar- og þjónustumiðstöð. Eyjafjörður og Skagafjörður eru meðal bestu landbúnaðarsvæða landsins. Dalvík, Siglufjörður og Húsavík byggja á sjávarútvegi og ferðaþjónustu. Og víða á svæðinu er verið að þróa orkuverkefni og nýsköpun.Meira -
Áfram Ísland heldur fund á Sauðárkróki
feykir.is Skagafjörður 06.08.2026 kl. 17.55Nú styttist í þjóðaratkvæðagreiðslu þar sem kosið eru um hvort að halda eigi áfram aðildarviðræðum við Evrópusambandið. Áfram Ísland boðar til opins fundar á Frímúrarasalnum Borgarmýri 1 á Sauðarkróki, laugardaginn 8. ágúst kl. 17:30. Fundurinn er öllum opinn en skráning er nauðsynleg.Meira
