Fræðslu og uppeldismálin hækka mest í Húnavatnshreppi
Í endurskoðaðri fjárhagsáætlun Húnavatnshrepps fyrir árið 2011 kemur fram að ýmsir liðir hafa hækkað frá fyrri áætlun og á síðasta hreppsnefndarfundi gerði sveitarstjóri grein fyrir þeim breytingum sem gerðar hafa verið á henni. Samkvæmt endurskoðari fjárhagsáætlun er áætlað að rekstur samstæðu verði neikvæður um 18,4 millj. kr.
Fræðslu og uppeldismálin er sá liður sem hækka mest eða um rúmar 7 millj. kr. og gert er ráð fyrir fjárfestingar hækki um rúmar 9 millj. kr. frá fyrri áætlun. Hreppsnefnd samþykkti samhljóða að sækja um lán hjá Lánasjóði sveitarfélaga að upphæð 25. millj. kr. vegna framkvæmda ársins 2011.
Fulltrúar A-lista lögðu fram eftirfarandi bókun:
Fulltrúar A-lista minna á bókun við afgreiðslu fjárhagsáætlunar ársins 2011 þar sem lagt var til að fulltrúar beggja lista færu dýpra ofan í alla kostnaðarliði fjárhagsáætlunarinnar. Þeirri leið var hafnað af meirihlutanum á þeirri forsendu að endurskoðun færi fram í aprílmánuði. Sú endurskoðun hefur ekki farið fram fyrr en nú og ljóst er, svo sem fram kemur í endurskoðaðri fjárhagsáætlun ársins 2011, að rekstur sveitarfélagsins hefur farið verulega úr böndunum. Það er augljóst að nauðsynlegt hefði verið að fara ýtarlega yfir alla kostnaðarliði og gæta aukins aðhalds í rekstri sveitarfélagsins. Fulltrúar A-lista sitja því hjá við afgreiðslu á endurskoðaðri fjárhagsáætlun fyrir árið 2011.
Fulltrúar E-lista lögðu fram eftirfarandi bókun:
Eins og komið hefur fram á hreppsnefndarfundum fyrr á árinu lágu ekki fyrir nægjanlegar upplýsingar í apríl til þess að ástæða væri til að endurskoða fjárhagsáætlun ársins. Við gerð fjárhagsáætlunar fyrir árið 2011 lá fyrir mikil tekjuskerðing frá Jöfnunarsjóði og því var stefnt að verulegri hagræðingu í rekstri sveitarfélagsins. Þær aðgerðir sem hafnar eru til hagræðingar skila sér ekki að fullu þetta árið.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
