Fréttabréf Húnavatnshrepps komið út
Nýtt fréttabréf er komið út hjá Húnavatnshreppi sem aðgengilegt er á vefsíðu hans, hunavatnshreppur.is. Þar er farið yfir liðið ár í tölum og gerðum og áætlanir á nýju ári reifaðar.
Í fréttabréfinu er sagt að að vegna mikillar tekjuskerðingar á árinu 2011 sé óhjákvæmilegt að lækka rekstrarkostnað verulega og hækka gjaldskrár. Standa verði vörð um grunnþjónustu sveitarfélagsins og um leið að vernda störfin eins og kostur er, þó verður ekki undan því vikist að lækka þarf launakostnað ef áætlaður sparnaður á að nást.
Í fjárhagsáætlun er gert ráð fyrir að námsstyrkir vegna tónlistarnáms á framhaldsskólastigi verði felldir niður. Styrkir til framhaldsskólanema lækka úr 55 þús. kr í 50 þúsund kr. per. önn.
Greiðslur vegna ristahliða í heimkeyrslur lögbýla verða felldar niður.
Árið 2010 greiddi sveitarfélagið 200 kr. á dag af hráefniskostnaði mötuneytis fyrir hvern nemanda í grunnskóla og leikskóla. Á árinu 2011 verður greiðsluþátttöku sveitarfélagsins í hráefniskostnaði mötuneytis grunnskóla og leikskóla hætt.
Gert er ráð fyrir að laun hreppsnefndar, annara nefnda, fjallskilastjóra og oddvita lækki um 10% frá fyrra ári
Gjald vegna gæslu á börnum starfsmanna Húnavallaskóla verður 1000 kr á barn á dag.
Notaðar verða viðmiðunarreglur Sambands ísl. Sveitarfélaga um greiðslur vegna leikskóladvalar barna utan lögheimilissveitarfélags. Sækja þarf sérstaklega um þessar greiðslur á skrifstofu sveitarfélagsins.
Sjá nánar HÉR
Fleiri fréttir
-
Skagafjörður fyrir unga fólkið | Jódís Helga Káradóttir skrifar
feykir.is Skagafjörður, Aðsendar greinar 28.02.2026 kl. 13.48Ég tilheyri þeirri kynslóð sem stendur frammi fyrir raunverulegu vali, að flytja burt eða að taka þátt í að byggja upp. Ég hef valið að byggja upp, hér í Skagafirði. Það geri ég af því að ég sé tækifærin sem felast í samfélagi sem er nógu stórt til að vera öflugt en nógu lítið til að hver rödd skipti máli. Skagafjörður hefur sterka ímynd, sögu, öflugt atvinnulíf og ríkulegt menningar- og íþróttastarf. En framtíðin mótast ekki af sjálfu sér. Hún krefst staðfestu og ábyrgðar. Ef við viljum að fleira ungt fólk taki þá ákvörðun að setjast hér að, stofna heimili og byggja upp lífsviðurværi, þurfum við að hafa skýra sýn og staðfestu í framkvæmd.Meira -
Norðurljósatónleikarnir í Miðgarði
feykir.is Skagafjörður, Listir og menning, Lokað efni 28.02.2026 kl. 13.32Það er löngu komin hefð fyrir því í Skagafirði að Kvennakórinn Sóldís haldi sína árlegu tónleika í Miðgarði á sjálfan konudaginn, sem var einmitt síðastliðinn sunnudag 22. febrúar. Þetta eru líka tónleikarnir sem kórkonur baka fyrir og var boðið upp á veislukaffi að tónleikum loknum.Meira -
Högni og Jódís verða í efstu tveimur hjá Miðflokknum í Skagafirði
feykir.is Skagafjörður 28.02.2026 kl. 11.27Skagafjarðardeild Miðflokksins hefur tilkynnt um framboð til sveitarstjórnarkosninga 2026. Í tilkynningu segir að Högni Elfar Gylfason varaþingmaður Miðflokksins í Norðvesturkjördæmi muni skipa oddvitasætið. Högni er sauðfjárbóndi, vélfræðingur og vélvirkjameistari. Í öðru sæti verður Jódís Helga Káradóttir, formaður Ungliðahreyfingar Miðflokksins á Norðurlandi vestra. Jódís stundar nám í viðskiptalögfræði og er starfsmaður Héraðsdóms Norðurlands vestra. Skipan í önnur sæti listans verður birt áður en langt um líður.Meira -
Fallegur og góður dagur í vændum í Tindastólnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 28.02.2026 kl. 11.09Starfsmenn skíðasvæðis Tindastóls voru mættir fyrir allar aldir í Tindastólinn í morgun til að gera klárt fyrir daginn. Svæðið var opnað kl. 10 í morgun og verður opið til kl. 16 og væntanlega verður dagskráin eins á morgun, sunnudag. Opið er í neðri lyftu og töfrateppið pg þá er göngubraut sömuleiðis klár. Sjoppan verður opin frá kl. 12-15.Meira -
Fiskikökur og heimagerð pizza a la Siggi | Matgæðingar Feykis
feykir.is Skagafjörður, Í matinn er þetta helst, Lokað efni 28.02.2026 kl. 09.11Matgæðingarnir í tbl. 37, 2025, voru þau Helga Rós Sigfúsdóttir og Sigurður Óli Ólafsson. Helga og Siggi búa í Varmahlíð með börnunum sínum þremur, Kolbrá Sigrúnu, Mikael Mána og Hrafnhildi Hörpu. Siggi er byggingatæknifræðingur og vinnur hjá Stoð ehf. og Helga Rós er grunnskólakennari og vinnur í Varmahlíðarskóla.Meira
