Freyja finnur eiturlyf
Í fyrrakvöld lenti ungur ökumaður á tvítugsaldri, á norðurleið í umferðaróhappi skammt sunnan við Blönduós. Lenti hann útaf veginum, fór eina veltu í bifreiðinni en var ómeiddur og bifreiðin ekki mikið skemmd. En ýmislegt í fari ökumanns vakti grunsemdir lögreglunnar og var ákveðið að kanna bakgrunn hans nánar.
Var hann færður á lögreglustöðina á Blönduósi þar sem að hann gaf sýni sem gaf til kynna að hann væri að aka undir áhrifum fíkniefna. Aðspurður um hvort að hann hefði fíkniefni meðferðis, kvað hann svo ekki vera og við fyrstu athugun fannst ekkert athugavert hjá honum eða í bifreiðinni.
Var ákveðið að Freyja, fíkniefnahundur lögreglunnar á Blönduósi, myndi þá leita í bifreiðinni svo að lögreglumenn hefðu þá örugglega leitað af sér allan grun um að nokkuð væri í bifreiðinni. Skömmu eftir að leit hófst hjá Freyju, gaf hún til kynna að fíkniefni gætu verið falin innan í innréttingu bifreiðarinnar svo að lögreglumenn þurftu að leggja í þó nokkra vinnu við að fylgja eftir vísbendingum frá henni en Freyja gaf sig ekki með það að þarna væru fíkniefni falin.
Sú vinna skilaði heldur betur árangri því að þegar að búið var leita af sér allan grun lágu eftir nokkrir plastpokar fullir af kannabisefnum. Áætlað magn er um 300 grömm. Og telst þetta með stærri málum sem að lögreglan á Blönduósi hefur upplýst. Ljóst er að fíkniefnahundurinn Freyja skipti sköpum í uppljóstrun þessa máls og eru lögreglumenn í skýjunum yfir þessum árangri.
Ökumaðurinn var í yfirheyrslum fram eftir nóttu en hefur nú verið sleppt úr haldi. Þó eru ýmsir þættir málsins enn í rannsókn. Ljóst er að fíkniefni þessi voru ætluð til sölu og dreifingu á Akureyrarsvæðinu.
Fleiri fréttir
-
Myndaveisla úr Síkinu í boði Sigurðar Inga
feykir.is Skagafjörður, Íþróttir, Ljósmyndavefur 15.05.2025 kl. 14.35Af því að lífið er körfubolti - ekki saltfiskur (sem betur fer) – þá er rétt að bjóða lesendum Feykis upp á aðeins meira af leiknum í gær. Sigurður Ingi ljósmyndari var að sjálfsögðu í Síkinu og Feykir fékk að velja 20 frábærar myndir í góða myndamöppu til birtingar.Meira -
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira
