Funi – tónleikar á Þingeyrum laugardagurinn 4. júní
Funi, sem eru þau Bára Grímsdóttir, Chris Foster og Andri Eyvindsson, halda tónleika í Þingeyrakirkju þann 4. júní kl. 15:00. Þeim til aðstoðar er Kór Undirfells -og Þingeyrasókna. Á efniskrá tónleikanna eru gömul og ný lög sem tengjast Vatnsdalnum. Kvæðin eru mörg eftir Vatnsdælinga sem bjuggu í dalnum á síðustu öld, þar á meðal föður Báru, Grím Lárusson og ömmu, Péturínu Jóhannsdóttur.
Bára, Chris og Andri syngja og leika á gítar, langspil, klarinett og kantele (borðhörpu). Lögin eru einkum þjóðlög, sum eftir Báru, sem sá um útsetningar.
Eftir tónleikana verður opnuð myndlistasýning í Klausturstofu og boðið upp á kaffiveitingar.
Verð á tónleikana er kr. 2.000.-
Opnun myndlistasýningar.
Sama dag, eftir tónleikana verður opnuð sýning með málverkum Ingólfs Björgvinssonar myndlistamanns á Klausturstofu á Þingeyrum. Myndirnar vann hann við atburði Vatnsdæla sögu og voru þær gefnar út á Sögukorti Vatnsdæla sögu árið 2009. Sýningin opnar í kjölfar tónleika sem verða haldnir í Þingeyrakirkju fyrr um daginn.
Boðið er upp á kaffi að loknum tónleikum og sýningaropnun.
Styrktaraðilar tónleikanna og sýningarinnar eru Menningarráð Norðurlands vestra og SAH Afurðir ehf.
/Fréttatilkynning
Fleiri fréttir
-
Skagafjörður fyrir unga fólkið | Jódís Helga Káradóttir skrifar
feykir.is Skagafjörður, Aðsendar greinar 28.02.2026 kl. 13.48Ég tilheyri þeirri kynslóð sem stendur frammi fyrir raunverulegu vali, að flytja burt eða að taka þátt í að byggja upp. Ég hef valið að byggja upp, hér í Skagafirði. Það geri ég af því að ég sé tækifærin sem felast í samfélagi sem er nógu stórt til að vera öflugt en nógu lítið til að hver rödd skipti máli. Skagafjörður hefur sterka ímynd, sögu, öflugt atvinnulíf og ríkulegt menningar- og íþróttastarf. En framtíðin mótast ekki af sjálfu sér. Hún krefst staðfestu og ábyrgðar. Ef við viljum að fleira ungt fólk taki þá ákvörðun að setjast hér að, stofna heimili og byggja upp lífsviðurværi, þurfum við að hafa skýra sýn og staðfestu í framkvæmd.Meira -
Norðurljósatónleikarnir í Miðgarði
feykir.is Skagafjörður, Listir og menning, Lokað efni 28.02.2026 kl. 13.32Það er löngu komin hefð fyrir því í Skagafirði að Kvennakórinn Sóldís haldi sína árlegu tónleika í Miðgarði á sjálfan konudaginn, sem var einmitt síðastliðinn sunnudag 22. febrúar. Þetta eru líka tónleikarnir sem kórkonur baka fyrir og var boðið upp á veislukaffi að tónleikum loknum.Meira -
Högni og Jódís verða í efstu tveimur hjá Miðflokknum í Skagafirði
feykir.is Skagafjörður 28.02.2026 kl. 11.27Skagafjarðardeild Miðflokksins hefur tilkynnt um framboð til sveitarstjórnarkosninga 2026. Í tilkynningu segir að Högni Elfar Gylfason varaþingmaður Miðflokksins í Norðvesturkjördæmi muni skipa oddvitasætið. Högni er sauðfjárbóndi, vélfræðingur og vélvirkjameistari. Í öðru sæti verður Jódís Helga Káradóttir, formaður Ungliðahreyfingar Miðflokksins á Norðurlandi vestra. Jódís stundar nám í viðskiptalögfræði og er starfsmaður Héraðsdóms Norðurlands vestra. Skipan í önnur sæti listans verður birt áður en langt um líður.Meira -
Fallegur og góður dagur í vændum í Tindastólnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 28.02.2026 kl. 11.09Starfsmenn skíðasvæðis Tindastóls voru mættir fyrir allar aldir í Tindastólinn í morgun til að gera klárt fyrir daginn. Svæðið var opnað kl. 10 í morgun og verður opið til kl. 16 og væntanlega verður dagskráin eins á morgun, sunnudag. Opið er í neðri lyftu og töfrateppið pg þá er göngubraut sömuleiðis klár. Sjoppan verður opin frá kl. 12-15.Meira -
Fiskikökur og heimagerð pizza a la Siggi | Matgæðingar Feykis
feykir.is Skagafjörður, Í matinn er þetta helst, Lokað efni 28.02.2026 kl. 09.11Matgæðingarnir í tbl. 37, 2025, voru þau Helga Rós Sigfúsdóttir og Sigurður Óli Ólafsson. Helga og Siggi búa í Varmahlíð með börnunum sínum þremur, Kolbrá Sigrúnu, Mikael Mána og Hrafnhildi Hörpu. Siggi er byggingatæknifræðingur og vinnur hjá Stoð ehf. og Helga Rós er grunnskólakennari og vinnur í Varmahlíðarskóla.Meira
