Mest hlustaði ég á Glám og Skrám / SVERRIR BERGMANN
Nýlega kom út diskur Sverris Bergmann, Fallið lauf, sem hlotið hefur einróma lof gagnrýnenda, hugljúf plata sem vel þess virði er að tékka á. Titillag plötunnar ber einnig nafnið Fallið lauf og er eini textinn sem Sverrir samdi sjálfur en það var skömmu eftir jarðarför nafna hans og afa, Sverris Svavarssonar á Sauðárkróki. Lagahöfundar eru ýmsir bæði tökulög og frumsamin. Textahöfundar eru auk Sverris, Sævar Sigurgeirsson, Ingibjörg Gunnarsdóttir, Hallgrímur Oddsson, Sverrir Norland og Skúli Mennski. Sverrir segir að víða hafi verið leitað að góðum textum og ekki hætt fyrr en allir voru sáttir.
Sverrir Bergmann Magnússon ólst upp í góðu yfirlæti í Drekahlíðinni á Sauðárkróki, fæddur árið 1980. Hann segist hafa byrjað að glamra eitthvað á píanó í tónlistarskólanum á Króknum en það hefði dugði skammt. Í seinni tíð hefur Sverrir rifið frekar í kassagítarinn og glamrað á hann.
Helstu tónlistarafrek? Ætli það hafi ekki verið á Þjóðhátíð í ár þegar að ég söng Þjóðhátíðarlagið og öll brekkan í Herjólfsdal stóð á fætur.
Uppáhalds tónlistartímabil? Ég myndi segja 8. áratugurinn (1970-1980) Þegar að snillingar á borð við Bill Withers og Al Green létu vel í sér heyra.
Hvaða tónlist fær þig til að sperra eyrun þessa dagana? Ég er alveg sjúkur í þessa gömlu góðu "soulfull" tónlist. Menn eins og Bill Withers, Al Green, Marvin Gaye og Wilson Pickett svíkja seint.
Hvers konar tónlist var hlustað á á þínu heimili? Það var allskonar. Pabbi var óður í Queen og svo voru einhverjir Platters diskar sem ég hlustaði endalaust á.
Hver var fyrsta platan/diskurinn/kasettan/niðurhalið sem þú keyptir þér? -Mig minnir að það hafi verið Bad með Michael Jackson. Keypti vínil plötuna. Mest hlustaði ég samt á Glám og Skrá sem barn, enda alveg dúndur lög í gangi þar.
Hvaða græjur varstu þá með?
Bara kassettutæki og plötuspilara.
Hvað syngur þú helst í sturtunni? Bara eitthvað nógu hátt, nánast aldrei það sama.
Wham! eða Duran? Gæti eiginlega ekki verið meira sama. Náði einhvernveginn alveg að sniðganga þetta tímabil þannig að ég hef enga skoðun hér, sorry ;)
Þú heldur dúndurpartí í kvöld, hvað læturðu hljóma í græjunum til að koma öllum í stuð? -Að henda nokkrum góðum Motown stuðlögum á fóninn getur verið góð skemmtun. Ef fólk fílar það ekki, þá er bara að rífa fram kassagítarinn og fá fólk til að syngja.
Þú vaknar í rólegheitum á sunnu-dagsmorgni, hvað viltu helst heyra? -Jack Johnson - In between dreams. Alveg yndisleg plata sem er ljúf og þæginleg.
Þú átt þess kost að fara hvert sem er í heiminum og skella þér á tónleika. Hvert færirðu, hvaða tónleika og hvern tækirðu með þér? -Ég væri til í að sjá Rolling Stones í Dubai eða einhverju þeim mun dýrara, nýta tækifærið ef maður fengi þetta frítt :) Ég tæki svo bara sem flesta með, enda yrði þetta gott partý.
Hvaða tónlistarmann hefur þig dreymt um að vera? -Bill Withers. Illa flottur en samt svo "chillaður" (afsakið orðbragðið)
Hver er að þínu mati besta plata sem gefin hefur verið út? Jeff Buckley - Grace
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.