Gauragangur í kvöld
Nú í vikunni var Gauragangur frumsýndur fyrir nærri fullu húsi og útlit fyrir að sýningar fari vel af stað þar sem leikritið fékk góða gagnrýni frumsýningagesta. Önnur sýning verður í kvöld og hefst klukkan 20:00.
Leikritið fjallar um töffarann og erkiunglingurinn Orm Óðinsson, höfuðsnilling íslenskrar unglingamenningar og áhorfendur kynnast vinum hans og óvinum, hugsjónum, hugmyndunum, orðsnillinni, fjölskyldunni, ljóðunum, skólanum og bannsettri ástinni. Fylgst er með óborganlegum tilraunum Orms við að búa til gull, fara á stefnumót, láta reka sig úr skóla og sofa hjá! Gauragangur er þroskasaga skemmtilegustu andhetju Íslandssögunnar og er eftir Ólaf Hauk Símonarson.
Hátt í 80 nemendur koma að sýningunni með einhverju móti og eru allir hvattir til að koma á þessa stórskemmtilegu uppsetningu af þessu vinsæla leikriti.
Næstu sýningar:
- 2. sýning föstudaginn 18. nóvember kl. 20
- 3. sýning sunnudaginn 20. nóvember kl. 17
- 4. sýning sunnudaginn 20. nóvember kl. 20
- 5. sýning þriðjudaginn 22. nóvember kl. 20
- 6. sýning miðvikudaginn 23. nóvember kl. 20
- 7. sýning fimmtudaginn 24. nóvember kl. 20
- 8. sýning föstudaginn 25. nóvember kl. 20
Miðapantanir í síma 455 8070 milli kl. 16 og 18 alla sýningardagana. Miðaverð er kr. 1600 fyrir meðlimi NFNV og 12 ára og yngri en 2200 fyrir aðra.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
