Gistinóttum á Norðurlandi fækkar milli ára
Gistinóttum erlendra ferðamanna á hótelum hefur fjölgað um 1% séu bornir saman maímánuðir ársins í ár og síðastliðins árs. Þetta kemur fram í Hagsjá Landsbankans en hún er byggð á gögnum frá Hagstofunni.
Breytingin milli ára í maímánuði var mjög misjöfn milli landssvæða og skera Vesturland og Vestfirðir sig mikið úr hvað aukningu snertir en hún var 46%. Hins vegar er langmesti hlutfallslegi samdrátturinn á Norðurlandi þar sem gistinóttum fækkaði um 20,7% eða 4.700 gistinætur.
Sé hins vegar litið til fyrstu fimm mánaða ársins í heild hefur hlutfallsleg fjölgun verið næstmest á Norðurlandi eða 7,7%, næst á eftir Vesturlandi og Vestfjörðum þar sem sambærileg tala var 23%. Heildarfjölgun gistinótta á landinu öllu nam 23.400 gistinóttum og munaði þar mest um mikla fjölgum á Suðurlandi eða 13.900 milli ára sem er 5,8% hlutfallsleg fjölgun.
Síðustu misserin hefur framboð hótelherbergja aukist. Milli áranna 2016 og 2017 jókst það um 9,2% sem er talsvert minni aukning en milli áranna 2015 og 2016 þegar hún var 19,5%. Athygli vekur hve þróunin er ólík séu Norðurland vestra og eystra borin saman. Á Norðurlandi eystra var aukning upp á 15,4% á síðasta ári en samdráttur upp á rúm 30% á Norðurlandi vestra. Herbergjaframboð er einnig mjög mismunandi milli þessara tveggja svæða eða 852 herbergi á Norðurlandi eystra en aðeins 100 herbergi á Norðurlandi vestra. Hins vegar hefur mesta aukning á framboði fyrstu fimm mánuði þessa árs miðað við sama tima í fyrra orðið á Norðurlandi vestra þar sem hún var 35% en heildaraukningin yfir landið 8,2%. Erlendum ferðamönnum fjölgaði um 5,6% milli sömu tímabila.
Fleiri fréttir
-
Setning Sæluviku Skagfirðinga 2025 og endurgerð Faxa | Einar E. Einarsson skrifar
feykir.is Skagafjörður, Aðsendar greinar 28.04.2025 kl. 10.25Ég vil byrja á að óska ykkur öllum gleðilegs sumars á þessum fallega degi sem jafnframt er síðasti sunnudagur aprílmánaðar, en hann hefur verið upphafsdagur Sæluviku Skagfirðinga í um 30 ár. Sæluvika Skagfirðinga á sér hins vegar mun lengri sögu, en heimildir herma að Sæluvikan hafi orðið til í framhaldi af svokölluðum sýslunefndarfundum sem haldnir voru einu sinni á ári með Sýslumanni og helstu forsvarsmönnum allra hreppa í Skagafirði.Meira -
Forsætisráðherra heimsækir Skagafjörð
feykir.is Skagafjörður, Mannlíf 28.04.2025 kl. 02.41Kristrún Frostadóttir forsætisráðherra býður til opins fundar í Skagafirði mánudaginn 28. apríl. Ráðherra verður einnig með erindi á kirkjukvöldi á Sauðárkróki sama dag í tilefni Sæluviku. „Það hefur gefið mér mikið síðustu misseri að halda opna fundi með fólki um allt land og ég vil halda því áfram eins og ég get í nýju embætti. Ég hlakka til að koma í Skagafjörðinn og eiga opið og milliliðalaust samtal um það sem brennur helst á heimamönnum,“ segir Kristrún.Meira -
Þungur hnífur á Sauðárkróksvelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 23.12Það er oft stutt á milli hláturs og gráturs og það á ekki síst við í sportinu. Lið Tindastóls og Stjörnunnar mættust í Bestu deild kvenna á Sauðárkróksvelli í dag og allt stefndi í stórgóðan sigur Stóalstúlkna þegar allt fór í skrúfuna. Það þýðir oft lítið að nöldra undan óheppni í íþróttum en lið Tindastóls var annan leikinn í röð aðeins mínútum frá góðum úrslitum. Garðbæingar rændu stigunum í blálokin með tveimur mörkum, unnu heimastúlkur 1-2.Meira -
Sæluvikan sett og Faxi afhjúpaður á ný
feykir.is Skagafjörður, Listir og menning, Mannlíf, Lokað efni 27.04.2025 kl. 20.20Sæluvika Skagfirðinga var sett við hátíðlega athöfn á Sauðárkróki í dag. Gestir voru flestir mættir tímanlega fyrir kl. 13 eins auglýst hafði verið og voru umsvifalsust sjanghæjaðir út á Faxatorg í ískalt þokuloftið þar sem draugalegur Faxi beið þess að verða afhjúpaðir enn og aftur. Einar E. Einarsson, forseti sveitarstjórnar Skagafjarðar, flutti þar ágæta setningarræðu Sæluviku, sagði síðan nýjustu fréttir af Faxa og sýndi loks lipra takta við að færa listaverkið okkar góða úr plastklæðunum. Eftir stóð Faxi bronshjúpaður á nýjum stalli og hefur sennilega aldrei verið ferskari.Meira -
María og Sigurður hlutu Samfélagsverðlaun Skagafjarðar
feykir.is Skagafjörður, Listir og menning, Mannlíf, Lokað efni 27.04.2025 kl. 19.16Við setningu Sæluviku Skagfirðinga í dag kynnti Hrefna Jóhannesdóttir frá Silfrastöðum og varaformaður atvinnu-, menningar- og kynningarnefndar Skagafjarðar val á þeim sem hlutu Samfélagsverðlaun Skagafjarðar 2025 en þetta var í tíunda sinn sem verðlaunin eru afhent. Þau komu nú í hlut heiðurshjónanna Maríu Guðmundsdóttur og Sigurðar Hansen frá Kringlumýri í Blönduhlíð og eru þau sannarlega vel að heiðrinum komin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.