Góð mæting á æfingasvæði Markviss á Húnavöku
Skotfélagið Markviss var með opinn dag sl. laugardag í tilefni Húnvöku. Þar var fólki boðið að skjóta úr haglabyssu og loftriffli. Bogveiðifélag Íslands var svo með kynningu á bogfimi, en stefnan hjá Markviss er að koma upp bogfimideild innan félagsins. Á sunnudeginum var svo haldið eitt námskeið á svæðinu og að sögn Snjólaugar M. Jónsdóttur, formanns Skotfélagsins var gaman að fylgjast með hversu góðum árangri gestir náðu á stuttum tíma.
Veður var milt og gott og stemmingin góð. Á annað hundrað manns kíktu á svæðið og fengu að prófa og kynna sér aðstöðu félagsins, meðal þeirra var fréttafólk frá sjónvarpsstöðinni N4.
,,Það var ekki annað að sjá en að allir færu ánægðir frá okkur eftir að hafa prófað og spjallað. Margir voru að koma á skotíþróttasvæði í fyrsta skipti á ævinni og margir aldrei prufað skotvopn áður. En flestir komu og prófuðu alla vega að skjóta á kyrr skotmörk við jörð. Aðrir settu allt í þetta og reyndu við fljúgandi skotmörk, flest allir með góðum árangri. Gaman var að sjá hversu margar konur mættu á svæðið og gáfu þær karlmönnunum ekkert eftir. Viljum svo sjá enn fleiri konur að ári,“ segir Snjólaug.
Stefnt er að þessi opni dagur verði árlegur viðburður og hluti af Húnavökudagskrá. Félagið vill vekja athygli á starfinu, íþróttinni og þeim búnaði sem notast er við.
Framundan hjá Skotfélaginu er Íslandsmeistaramót á skotíþróttasvæði Skotfélags Suðurlands, en Íslandsmeistaramótin eru að jafnaði fjölmennustu mót sumarsins. Nú þegar hafa þrír keppendur frá Markviss skráð sig á mótið en það eru þau Guðmann Jónsson, Brynjar Þór Guðmundsson og Snjólaug M. Jónsdóttir. Kvennakeppnin þetta sumarið er hörð og ekkert gefið eftir í baráttunni um Íslandsmeistara- og bikarmeistaratitilinn.
Um miðjan ágúst verður Norðurlandsmeistaramótið haldið á Blönduósi og hvetur félagið bæjarbúa til að fjölmenna á svæðið og hvetja sitt fólk.
Skotfélagið minnir á að opnar æfingar eru öll miðvikudagskvöld og er öllum velkomið að koma og skjóta eða bara kíkja í kaffi og létt spjall.
Myndir frá Skotfélaginu Markviss
.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
