Guðjón Brjánsson velti Ólínu úr sessi
Guðjón Brjánsson frá Akranesi mun leiða lista Samfylkingar í Norðvestur kjördæmi en niðurrstaða forvals var kynnt í gærkvöldi. Einungis var kosið um tvö efstu sætin og tveir aðilar sem buðu sig fram í fyrsta sætið og einn í fyrsta til annað sætið.
Guðjón S. Brjánsson frá Akranesi og Ólína Kjerúlf Þorvarðardóttir þingkona sóttust bæði eftir að leiða listann en Inga Björk Bjarnadóttir bauð sig fram í 1. - 2. sæti. Eftir að úrslit urðu ljós gaf Ólína það út að hún tæki ekki þriðja sætið.
Ólína Kjerúlf Þorvarðardóttir þingkona hefur gefið það út að hún ætlar ekki að taka þriðja sætinu. „Frá upphafi lá fyrir að ég byði mig aðeins fram í fyrsta sætið. Í ljósi niðurstöðunnar mun ég því ekki taka sæti á þessum framboðslista. Ég lagði störf min og þingmannsferil undir. Flokksmenn völdu svona. Þar við situr og ég þakka fyrir mig,“ skrifar Ólína á Fésbókarsíðu sína.
Guðjón segir á sinni Fésbókarsíðu að niðurstaða forvalsins hafi verið ánægjuleg þar sem hann hafi fengið brautargengi til þess að takast á við krefjandi verkefni sem framundan eru. „Meðframbjoðendur mínir sem ég virði mikils fylgdu mér fast eftir og saman höfum við það eitt að markmiði að efla hugsjónir jafnaðarmanna og tala fyrir skýrum leiðum einum rómi. Ég þakka ykkur öllum sem sýnt hafa mér mikið traust og einset mér í samvinnu við ykkur öll, með ykkur - að vinna að góðum málefnum, vinna að góðum árangri í komandi Alþingiskosningum. Við skulum sýna áræði til breytinga.“
Fleiri fréttir
-
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira -
Skáksambandið gaf Húnabyggð útitafl
feykir.is Austur-Húnavatnssýsla, Mannlíf, Lokað efni 20.06.2025 kl. 07.44Nú stendur yfir Íslandsmótið í skák í vöggu skákíþróttarinnar á Íslandi, Blönduósi. 100 ára afmælismót Skáksambands Íslands fer fram dagana 13.-22. júní. Nú á 17. júní þá afhenti sambandið Húnabyggð útitafl að gjöf í tilefni afmælisins og er það staðsett á lóð Húnaskóla.Meira -
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira
