Hagur verk leigir Húnaver næstu tíu árin
Á fundi sveitarstjórnar Húnavatnshrepps á síðastliðinn miðvikudag var samþykkt að Hagur verk ehf. tæki félagsheimilið Húnaver á leigu til næstu tíu ára. Var leigusamningur samþykktur samhljóða af sveitarstjórn.
Samningurinn nær yfir allt húsnæðið og land umhverfis það. Hafa eigendur Hags verks ehf.óskað eftir góðu samstarfi við eigendur Húnavers og vilja jafnframt kappkosta að tryggja aðgang eigenda Húnavers að húsinu. „Það væri hagur allra að slíkt samstarf gengi sem best fyrir sig,“ eins og segir í fundargerð.
Við afgreiðslu málsins lögðu fulltrúar E-lista fram eftirfarandi bókun:
Fulltrúar E-lista samþykkja leigusamning við Hag verk ehf. um leigu á fasteigninni Húnaveri, félagsheimili, enda er það hagur sveitarfélagsins að hafa tekjur af fasteignum þess ásamt því að losna við rekstrarkostnað og launakostnað. Einnig er ekki æskilegt að sveitarfélagið standi í rekstri ferðaþjónustu í samkeppni við íbúa sína. Jafnframt teljum við eðlilegt að aðildarfélög hafi áfram gott aðgengi að Húnaveri fyrir sína starfsemi.
Loks var greindi sveitarstjóri frá því frá því að eigendafundur yrði haldinn með stjórnum Kvenfélags Bólstaðarhlíðarhrepps, Ungmennafélags Bólstaðarhlíðarhrepps og Búnaðarfélags Bólstaðarhlíðarhrepps. Yrðu þær boðaðar á sameiniginlegan fund á morgun, þriðjudag, ásamt oddvita og sveitarstjóra sem mæta á fundinn sem fulltrúar Húnavatnshrepps.
Fleiri fréttir
-
Það kólnar og spáð er éljagangi í dag og á morgun
feykir.is Skagafjörður, Austur-Húnavatnssýsla, Vestur-Húnavatnssýsla 24.02.2026 kl. 08.44Það skall á með nettri sunnanátt í gær og hitnaði duglega. Það varð að sjálfsögðu til þess að snjórinn sem hafði lagst svo bjartur og fallegur á jörðina bráðnaði. Þegar Króksarar héldu út í myrkrið í morgun var snjórinn að mestu horfinn og stöku svellbunkar það sem minnti á veturinn. Það eru þó allar líkur á að snjórinn komi fljótt aftur því í dag og fram á föstudag má reikna með éljagangi og snjókomu af og til og frostið fer að bíta á ný.Meira -
Skorað á ráðherra að bretta upp ermarnar við uppbyggingu verknámshúsa
feykir.is Skagafjörður, Lokað efni 23.02.2026 kl. 15.32Byggðarráð Skagafjarðar samþykkti á fundi sínum 19. febrúar sl. samhljóða áskorun til Ingu Sæland, mennta- og barnamálaráðherra, um að fylgja eftir áformum forvera síns, Guðmundur Ingi Kristinssonar, um að hefja framkvæmdir við fjóra verknámsskóla. „Óútskýrðar tafir við útboðsgögn hjá Framkvæmdasýslunni - Ríkiseignum og skortur á staðfestingu á fjármögnun framkvæmda frá mennta- og barnamálaráðuneytinu, valda því að útlit er fyrir að framkvæmdir við stækkun verknámshúss Fjölbrautaskóla Norðurlands vestra hefjist ekki á árinu 2026.“ segir í áskoruninni.Meira -
Hvað fær fólk til að vera – og hvað fær það til að snúa heim?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.02.2026 kl. 15.09Þann 10. mars fer fram ráðstefnan The Future of Rural Europe: Making migration work for regions in decline, þar sem sjónum verður beint að framtíð dreifðra byggða í Evrópu, fólksflutningum og byggðaþróun. Viðfangsefnið á ríkt erindi við umræðu um byggðafestu og jákvæða íbúaþróun hér á landi og tengist vel markmiðum um eflingu aðdráttarafls svæða, fjölbreytt atvinnulíf og sterk samfélög í landsbyggðunum, þar á meðal á Norðurlandi vestra.Meira -
Gervigreind – lykillinn að hagræðingu sveitarfélaga | Stefán Þór Stefánsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.02.2026 kl. 15.04Undanfarin ár hefur stafræn umbreyting orðið eitt helsta tæki sveitarfélaga til að mæta auknum kröfum um skilvirkni, betri þjónustu og ábyrga nýtingu fjármuna. Sú umbreyting skiptir miklu máli þegar kemur að fjármálum og forgangsröðun verkefna á sveitarstjórnarstiginu.Meira -
Mjölnir á Selfossi bauð lægst í Skagaveg
feykir.is Skagafjörður, Austur-Húnavatnssýsla, Lokað efni 23.02.2026 kl. 11.25Vegagerðin bauð í byrjun febrúar út ný- og endurbyggingu Skagavegar á um 7 km kafla auk nýbyggingar á um 0,7 km kafla á Brekknavegi. Tilboð voru opnuð þann 17. febrúar síðastliðinn og reyndist VBF Mjölnir ehf. frá Selfossi eiga lægsta tilboðið, 432,5 milljónir, sem var 91% af áætluðum verktakakostnaði Vegagerðarinnar.Meira
