Hannes Bjarnason á Beinni línu DV.is
Skagfirski forsetaframbjóðandinn Hannes Bjarnason var á Beinni línu hjá DV.is í gær. Þar svaraði hann fjölmörgum spurningum frá lesendum vefsins en þar sagðist hann m.a. vona að hann eigi hljómgrunn hjá hinum almenna Íslendingi, þeim sem stunda sína verkamannavinnu.
Spurningarnar sem hann fékk voru afar fjölbreyttar; allt frá því hvaða fótboltaliðum hann heldur með, hver myndi leika hann í Hollywood-kvikmynd, hvort hann sé femínisti eða skoðun hans á frumvarpi að nýrri stjórnarskrá.
Hannes nefnir tvö atriði sem valda honum miklum áhyggjum, sem hann hefur orðið var við á ferð hans um landið, þ.e. aukin fjarlægð á milli landsbyggðar og höfuðborgarsvæðisins annarsvegar og svo siðferði hinsvegar.
Hvað varðar siðferðið tekur hann sem dæmi að maður sem rekur bensínstöð úti á landi er að tapa um 600.000 kr. á hverju sumri því fólk stingur af án þess að borga. Kona sem er að byggja er í vandræðum með að ráða fólk í vinnu á meðan það er nokkuð mikið atvinnuleysi. Einelti er úti um allt, ekki bara í skólum.
„Og ekki minnst allt það sem er að koma upp á yfirborðið um hvernig menn höguðu sér fyrir hrunið. Það þarf að efla siðferði á öllum stigum í þjóðfélaginu. Þar vil ég sýna góða fyrirmynd en það er ekki nóg. þetta er hlutur sem einn forseti getur bætt einn og sér. En umærðan verður að vera sýnileg,“ segir hann.
Hér má skoða þær spurningar sem bárust Hannesi, og svör hans við þeim, á Beinni línu DV.is.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
