Hefur þú smakkað BBQ grísasamloku?
feykir.is
Skagafjörður, SiggaSiggaSigga
12.10.2017
kl. 14.28
Í dag er alþjóðlegi rifinn grís dagurinn eða Pulled Pork day, hljómar mikið betur á ensku en íslensku, og því um að gera að prufa þessa uppskrift á næstunni en munið að gefa ykkur góðan tíma í þetta því þetta er smá dúll.
Hægeldað grísakjöt eða „pulled pork“ eins og það er kallað í Bandaríkjunum er rifið í tætlur áður en það er borið fram og er til í fjölmörgum mismunandi útgáfum eftir ríkjum. Í Tennessee er hefðin sú að blanda kjötinu saman við BBQ-sósu og bera fram í brauði líkt og hamborgara. Þetta hefur verið kallað grísasamloka á íslensku og fann ég uppskrift á þessari bloggsíðu sem hljómaði svo vel að mig langaði til að deila henni með ykkur í tilefni dagsins.
Gott að byrja á BBQ sósunni ef þig langar að gera hana frá grunni.
1 hvítlaukur ( heill laukur fæst í litlum körfum)
6 msk eplaedik
1 msk Sukrin Gold
1 msk red chilli flögur
1 msk Dijon sinnep
1/2 tsk hvítlaukssalt
1/8 cayenne pipar
1 msk paprikuduft
1 msk Worchester sósa
1 lítil dós HUNTS paste 6 oz dolla
2 msk kurlað beikon um 25 gr
Allt sett í lítinn mixer og mixað í mauk.
Rifið svínakjöt
1.5 - 2 kg. svínabógur
240 ml. vatn
1 laukur niðurskorinn
1 súputeningur, svína eða kjúklingakraftur
240 ml. vatn
1 laukur niðurskorinn
1 súputeningur, svína eða kjúklingakraftur
Aðferð:
Setjið bóginn í ofnpott. Hellið vatni meðfram kjötinu, dreifið lauknum því næst í botninn og bætið við krafti,
hér má smyrja 1/4 hluta af BBQ sósunni á kjötið. Setjið svo lokið á og látið kjötið malla í 7-9 klt á lágum hita, líka hægt að hægelda kjötið í ofni á 100 - 120 gráðum í 6-8 klt. Takið kjötið svo úr pottinum/ofninum og rífið niður með 2 göfflum, hendið lauk / beini og fitunni.
Hellið soðinu úr pottinum setjið rifna kjötið út í aftur og þá má bæta BBQ sósunni saman við og hræra vel í, ágætt að hækka hitann í 120 gráður og hita sósuna vel í gegn. Borið fram í hamborgarabrauði með salati.
Njótið
Sigga sigga sigga
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.