Heimasætubiti – Nýr ostur úr brjóstamjólk kynntur í dag
Mjólkursamlag KS á Sauðárkróki mun kynna Heimasætubita nýjan ost úr brjóstamjólk í Skagfirðingabúð í dag. Osturinn sem er mjög próteinríkur en jafnframt hitaeiningasnauður þykir henta sérstaklega vel fyrir fólk sem hugar að heilsu sinni.
Að sögn Friðriks Hreinssonar, einkaþjálfara á Sauðárkróki, er osturinn einstaklega næringarríkur og stútfullur af andoxunarefnum. „Neysla á þessum osti ætti í raun að geta komið algjörlega í stað fæðubótaefna og fyrir þá sem vilja ganga alla leið þá er fátt hollara en drykkja á brjóstamjólk,“ segir Friðrik.
Svavar Sigurðsson, ostameistari hjá KS, hefur verið að þróa ostinn um nokkurra mánaða skeið en þar sem brjóstamjólkin er dýr voru tilraunir unnar með kaplamjólk sem þykir hvað líkust brjóstamjólk. „Við erum loksins tilbúnir með ostinn í sölu en osturinn er mótaður í líki kvenmannsbrjósts. Þú ert það sem þú borðar og því liggur í augum uppi að brjóstamjólk er manninum mun hollari en kúamjólkin,“ segir Svavar.
Nú þegar hafa nokkrar mjólkandi mæður gert samning við mjólkursamlagði en sérstakt herbergi hefur verið útbúið þar sem þær geta komið og farið í þar til gerða mjaltavél. „Við erum að borga fjórfalt miðað við venjulega kúamjólk en þær sem eru með svokallaða ofurmjólk fá greitt sexfalt. Eins viljum við benda á að allar konur sem einhvern tíma hafa gefið brjóst geta látið mylkja sig upp en það að gefa brjóst þykir grennandi auk þess sem allir vita að brjóst kvenna eru aldrei stærri né fegurri en þegar þær gefa brjóst. Þarna fá þær því smá auka aur auk þess að fá brjóstastækkun fyrir ekki neitt. Nú síðan ef salan verður góð verður hægt að útvíkka þetta og þá förum við hugsanlega að sækja mjólk frá konum í nágrannasveitarfélögum. Afurðahæstu konurnar fá síðan vélar með sér heim og gætu því með tíð og tíma haft brjóstamjólkurgjöf sem sína aðal atvinnu.“
Kynning á ostinum fer fram klukkan 16:00 en sala á ostinum hefst á sama tíma.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
