Hellings golf í sumar | Frá Golfklúbbi Skagafjarðar

feykir.is Skagafjörður, Íþróttir, Aðsendar greinar 22.06.2026 kl. 11.13
AÐSEND MYND
AÐSEND MYND

Golfsumarið er heldur betur komið á fullt. Fyrir utan innanfélagsmótin hjá okkur í boði HardWok og Esju Gæðafæðis þá eru opnu mótin farin að rúlla af stað líka og eru nú tvö opin mót búin og Meistaramót næst á dagskrá sem er hápunkturinn í mótahaldi hjá GSS. Meistaramóts vikan er 29. júní til 4. júlí og má þá búast við fjölmenni á vellinum og skemmtilegri keppni og alveg þess virði að gera sér ferð á Hlíðarendavöll og fylgjast með lífinu þar.

Opna KS mótið í Texas Scramble fór fram 13. júní í ljómandi góðu veðri og vor alls 22 lið sem tóku þátt, eða 44 keppendur. Sigurvegarar mótsins voru Sigríður Elín Þórðardóttir og Andri Þór Árnason á -12. Kaupfélag Skagfirðinga veitti vegleg verðlaun fyrir fyrstu 5 sætin og kunnum við þeim bestu þakkir fyrir stuðninginn.

Opna Hlíðarkaups mótið fór svo fram 20. júní, í kannski ekki eins góðu veðri. Norðanáttin var ríkjandi og það var frekar svalt og blautt að margra mati. En allir 24 keppendur skiluðu sér 18 holurnar og þáðu kaffiveitingar á eftir til að ylja sér. Kept var í einu opnum flokk í punktakeppni og það var Árný Lilja sem sigraði með 35 punkta. Líkt og í KS mótinu voru veitt vegleg verðlaun fyrir 5 efstu sætin og svo einnig nándarverðlaun á par 3 brautunum. Við þökkum Hlíðarkaup og Ásgeiri kærlega fyrir stuðninginn og vonum að þótt að þetta hafi verið síðasta mótið undir stjórn Ásgeirs að við sjáum áfram Hlíðarkaups mót á vellinum hjá okkur á komandi árum.

Það er svo nóg framundan hjá okkur það sem eftir lifir af sumri og hlökkum við til að sjá sem flesta á vellinum.

Golfkveðja Mótanefnd GSS

Til baka

Fleiri fréttir

  • Færð á vegum nú um klukkan 20:30 í kvöld. SKJÁSKOT AF UMFERÐIN.IS

    Allir fjallvegir á Norðurlandi vestra lokaðir vegna veðurofsans

    feykir.is Skagafjörður, Austur-Húnavatnssýsla, Vestur-Húnavatnssýsla 13.11.2026 kl. 20.48 oli@feykir.is
    Það er hundleiðinlegt vonskuveður sem stendur á Norðurlandi vestra og í raun ekki hundi út sigandi. Vegirnir yfir Öxnadalsheiði, Vatnsskarð, Þverárfjall og Holtavörðuheiði eru lokaðir vegna veðurs og sömuleiðis vegurinn um Langadal. Vindur er víða á svæðinu yfir 20 m/sek og hátt í 40 m/sek í kviðum.
    Meira
  • Blái Tréfillinn er mikilvæg fjáröflun. Mynd: Aðsend.

    Blái Tréfillinn er kominn í sölu á Olís, N1 og Lyfju

    feykir.is Skagafjörður, Austur-Húnavatnssýsla, Vestur-Húnavatnssýsla 13.11.2026 kl. 13.35 hinrik@feykir.is
    Ef þú greinist með krabbamein í blöðruhálskirtli gengur þú aldrei einn. Krabbameinsfélagið Framför, félag karlmanna með krabbamein í blöðruhálskirtli og aðstandenda var stofnað þann 12. febrúar 2007. Tilgangur félagsins er að styðja karlmenn sem hafa greinst með krabbamein í blöðruhálskirtli og maka þeirra og aðstandendur.
    Meira
  • Svona var staðan á Holtavörðuheiði fyrr í morgun. SKJÁSKOT AF ADDI EHF HOLTAVÖRÐUHEIÐI

    Appelsínugul viðvörun tekur gildi kl. 17

    feykir.is Skagafjörður, Austur-Húnavatnssýsla, Vestur-Húnavatnssýsla 13.11.2026 kl. 11.27 oli@feykir.is
    „Norðan 18-23 m/s og talsverð snjókoma og skafrenningur með slæmu skyggni og versnandi færð. Ekkert ferðaveður,“ segir í veðurspá Veðurstofunnar fyrir Strandir og Norðurland vestra. Nú hefur appelsínugul veðurviðvörun verið færð framar í tíma og gildir frá því kl. 17 í dag en ekki kl. 20 eins og gert var ráð fyrir í gær.
    Meira
  • Arnar fer yfir málin með sínum mönnum í gær. MYND AF NETINU

    Ekki sjálfgefið að vinna leiki í Evrópu

    feykir.is Skagafjörður, Íþróttir, Lokað efni 13.11.2026 kl. 10.43 oli@feykir.is
    „Það var bara gott að vinna leikinn. Það er aldrei sjálfgefið að vinna leik í Evrópu og ég held að varnarleikurinn okkar hafi skopið þennan sigur,“ sagði Arnar Guðjónsson þjálfari Tindastóls þegar Feykir spurði hann í morgun hvort hann hefði verið ánægður með sigurinn á Polly Lausanne Foxes í ENBL-deildinni í gærkvöldi.
    Meira

  • Menningarkvöldi frestað um sólarhring

    feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 13.11.2026 kl. 10.05 oli@feykir.is
    Það er leiðinda veðurspá fyrir kvöldið og af þeim sökum hefur verið ákveðið að fresta hinu árlega Menningarkvöldi Nemendafélags Fjölbrautaskóla Norðurlands vestra sem fram átti að fara í kvöld. Menningin er í hávegum höfð í FNV og því er Menningarkvöldinu aðeins frestað um sólarhring og hefur því verið sett á annað kvöld – laugardaginn 14. nóvember.
    Meira
Yfirlit frétta