Hlíðarkaup hlaut Hvatningarverðlaun SSNV
Verslunin Hlíðarkaup á Sauðárkróki hlaut fyrr í dag Hvatningarverðlaun SSNV atvinnuþróunar á Degi atvinnulífsins á Norðurlandi vestra sem haldinn var á Kaffi Krók. Hvatningarverðlaunin eru í senn viðurkenning fyrir góðan árangur og hvatning til áframhaldandi starfsemi viðkomandi fyrirtækis.
Markmið verðlaunanna er að hvetja til nýsköpunar og vekja athygli á því sem vel er gert á Norðurlandi vestra og voru fimm fyrirtæki í Skagafirði tilnefnd til þeirra; Feykir, héraðsfréttablað og vefmiðill, Hótel Varmahlíð, Kaupfélag Skagfirðinga, Videosport og Hlíðarkaup.
Verslunin Hlíðarkaup á 20 ára afmæli á þessu ári. Eigendur hafa staðið fyrir traustum rekstri og er verslunin þekkt fyrir góða og metnaðarfulla þjónustu. Þannig býður Hlíðarkaup t.d. upp á fjölbreytt vöruúrval, heimsendingaþjónustu og vinnur á staðnum ýmsar þær kjötvörur og tilbúna rétti sem seldir eru í versluninni. Nýlega bætti fyrirtækið við myndbandaleigu. Samstarf við Ferðaþjónustuna á Hólum leiddi af sér að nú rekur ferðaþjónustan litla verslun þar og hefur þjónusta við íbúa og gesti á Hólastað styrkst mjög. Langur opnunartími hjá Hlíðarkaup á Sauðárkróki leiðir af sér hærra þjónustustig í nágrenninu. Þjónustu- og verðkannanir sem gerðar hafa verið á undanförnum árum sýna að verslunin er fyllilega samkeppnisfær. Verslunin tekur þátt í verkefninu Retail in Rural Regions og hefur náð prýðisgóðum árangri þar.
Verðlaunagripurinn að þessu sinni sýnir ávöxt erfiðisins og er unninn af Guðbrandi Ægi Ásbjörnssyni, listamanni á Sauðárkróki.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
