Hljóðfærið mitt - Skarphéðinn H. Einarsson
Skarphéðinn H. Einarsson á Blönduósi ætlar að segja okkur frá uppáhalds hljóðfærinu sínu í Hljóðfærið mitt að þessu sinni. Skarphéðinn hefur verið fyrirferðarmikill í tónlistarlífi Austur-Húnvetninga í mörg ár, starfaði lengi sem tónlistarkennari við Tónlistarskóla Austur-Húnavatnssýslu og er í dag kórstjóri Karlakórs Bólstaðarhlíðar.
Hvaða hljóðfæri heldur þú mest upp á af þeim sem þú átt?
Ég á dálítið safn af hljóðfærum. Fjóra trompeta, þrjá gítara, bassa og ukulele. Það er mjög erfitt að gera upp á milli. Ég lærði fyrst á gítar og spilaði með hljómsveitum hér á Blönduósi en seinna fór ég að blása í lúðra og endaði á trompeti, fór í Tónlistarskólann í Reykjavík og útskrifaðist þaðan sem blásarakennari.
Ert þú fyrsti eigandinn að hljóðfærinu?
Þegar ég varð sextugur gáfu samkennarar mínir í Tónlistarskóla Austur-Húnavatnssýslu mér Yamaha trompet sem er í miklu uppáhaldi. Ákaflega gott eintak sem gott er að spila á.
Hefur hljóðfærið hljómað á einhverjum plötum eða lögum?
Ég spilaði á það inn á plötu með Karlakór Bólstaðarhlíðarhrepps í lögum Geirmundar Valtýssonar.
Hefur þetta hljóðfæri eitthvað fram yfir svipuð hljóðfæri að þínu mati?
Það er auðvelt að spila á þennan trompet, hann er opinn og það er létt að spila háa tóna á hann.
Gætir þú hugsað þér að selja hann einhvern tímann?
Hann verður sjálfsagt seldur einhvern tímann.
Hefur þú séð á eftir einhverju hljóðfæri sem þú værir til í að eiga í dag?
Já, ég átti einu sinni 12 strengja gítar af gerðinni Santana og hef alltaf séð eftir honum.
/SMH
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.