Hólmar Örn á HM og N4
Sjónvarpsstöðin N4 beinir linsunum að landsliðsmönnum frá landsbyggðunum í nýjum þætti sem hefst fimmtudaginn 14. júní þar sem fjallað verður um þá landsliðsstráka frá landsbyggðunum sem komust í lokahóp HM í Rússlandi. Hólmar Örn Eyjólfsson er þar tengdur við Sauðárkrók enda foreldrarnir báðir þaðan.
Þættirnir verða alls fjórir og í hverjum þeirra verða tveir landsliðsmenn teknir fyrir. Umsjónarmenn eru þeir Skúli Bragi Magnússon dagskrárgerðarmaður og Árni Rúnar Hrólfsson kvikmyndatökumaður.
„Við fáum að kynnast strákunum með augum bæjarfélagsins þaðan sem þeir koma. Foreldrar, ömmur og afar, bræður og systur, vinir og þjálfarar segja frá uppvaxtarárum og karakter strákanna. Við fengum frábærar móttökur við gerð þáttanna, allir voru tilbúnir til að hjálpa okkur við að gera skemmtilegt sjónvarp og síðast en ekki síst upplýsandi. Í þessum þáttum kemur margt nýtt fram, sem til þessa hefur ekki verið nema á vitorði þeirra nánustu. Við renndum í raun og veru nokkuð blint í sjóinn, en eftir því sem líður á vinnsluna erum við sannfærðir um að þættirnir komi til með að vekja athygli,“ segja þeir félagar Skúli Bragi og Árni Rúnar.
Landsbyggðastrákarnir okkar í þáttunnum eru eftirtaldir leikmenn:
Björn Bergmann Sigurðarsson – Akranes
Jón Daði Böðvarsson – Selfoss
Arnór Ingvi Traustason – Reykjanesbær
Samúel Kári Friðjónsson – Reykjanesbær
Aron Einar Gunnarsson – Akureyri
Birkir Bjarnason – Akureyri
Hólmar Örn Eyjólfsson – Sauðárkrókur
Alfreð Finnbogason – Grindavík
Fyrsti þátturinn verður frumsýndur fimmtudaginn 14. júní klukkan 20:30
Annar þátturinn er á dagskrá mánudaginn 18. júní klukkan 20:30
Þriðji þátturinn er á dagskrá þriðjudaginn 19. júní klukkan 20:30
Fjórði þátturinn er á dagskrá miðvikudaginn 20. júní klukkan 20:30.
Hólmar Örn er sonur Önnu Pálu Gísladóttur og Eyjólfs Sverrissonar sem gerði garðinn frægan í landsliði Íslands í fótbolta jafnt sem leikmaður sem þjálfari. Hólmar Örn lék sem hægri bakvörður í sigurleik Íslands gegn Gana á dögunum og þótti standa sig vel. Vonandi fáum við að sjá hann í eldlínunni í Rússlandi á komandi heimsmeistaramóti.
/PF
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.