Holtavörðu- og Öxnadalsheiði lokaðar - Appelsínugul viðvörun
Appelsínugul viðvörun er fyrir Strandir og Norðurland vestra, Norðurland eystra, Austurland að Glettingi, Austfirði og Suðausturland. Norðan hvassviðri er á norðurlandi allt að 18-23 m/s og snjókoma, talsverð á Tröllaskaga. Skafrenningur og skyggni mjög lítið og ekkert ferðaveður.
Vegurinn milli Fljóta og Siglufjarðar er ófær samkvæmt heimasíðu Vegagerðarinnar sem og Öxnadalsheiði, Holtavörðuheiði og Brattabrekka. Margir vegir innan Skagafjarðar og Húnavatnssýsla eru ófærir og ættu vegfarendur að fylgjast vel með veðurlýsingum og færð áður en lagt er upp í bílferðir.
Spá Veðurstofunnar fyrir Strandir og Norðurland vestra:
Norðan 13-20 m/s hvassast við ströndina, og él. Norðan 10-15 og úrkomuminna seint annað kvöld. Frost 0 til 5 stig.
Spá gerð: 23.11.2017 21:30. Gildir til: 25.11.2017 00:00.
Veðurhorfur á landinu næstu daga
Á laugardag:
Norðvestan 13-20 m/s og él NA-lands fram eftir degi, hvassast á annesjum. Mun hægari norðanátt og víða léttskýjað í öðrum landshlutum. Frost yfirleitt 2 til 7 stig.
Á sunnudag:
Hæg breytileg átt og skýjað með köflum, en austan 10-15 og dálítil snjókoma eða slydda suðvestanlands um tíma. Frost víða 0 til 12 stig, kaldast inn til landsins.
Á mánudag:
Norðlæg átt og skýjað með köflum en dálítil él við ströndina norðanlands. Hiti breytist lítið.
Á þriðjudag:
Hægviðri og víða léttskýjað. Frost 3 til 13 stig, kaldast inn til landsins.
Á miðvikudag og fimmtudag:
Útlit fyrir vestlæg átt og hlýnandi veður. Dálítil rigning eða slydda norðan- og vestanlands en þurrt að kalla á Suðausturlandi. Hiti 0 til 5 stig
Fleiri fréttir
-
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira -
Tengiráðgjafi ráðinn í Húnaþingi vestra
feykir.is Vestur-Húnavatnssýsla, Lokað efni 02.05.2025 kl. 12.00Húnaþing vestra tók þátt í spennandi tilraunaverkefni með ráðningu tengiráðgjafa og er það Elísabet Eir Steinbjörnsdóttir sem er starfandi tengiráðgjafi Húnaþings vestra og vinnur hún einnig að verkefninu Gott að eldast í samstarfi við Heilbrigðisstofnun Vesturlands.Meira -
Fjáröflun - bílaþvottur
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2025 kl. 11.40Er þetta ekki eitt af því leiðinlegasta sem að maður gerir sjálfur, að tjöruhreinsa og þrífa bílinn að utan... er þá ekki tilvalið að nýta sér þessa flottu fjáröflun sem Barna og unglingaráðið í knattspyrnudeildinni ætlar að bjóða upp á föstudaginn 8. maí. Pantanir fara fram í gegnum þannan lin hér eða með tölvupósti á e-mailið fotbolti.unglingarad@tindastoll.isMeira -
Uppbygging við Staðarbjargavík fékk ríflega 60 milljón króna styrk
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.05.2025 kl. 09.15Hanna Katrín Friðriksson atvinnuvegaráðherra úthlutaði í vikunni úr Framkvæmdasjóði ferðamannastaða fyrir árið 2025. Að þessu sinni hljóta 28 verkefni styrk úr sjóðnum. Heildarúthlutun er 553,2 milljónir króna og dreifast verkefnin um land allt. Næsthæsti styrkurinn, rúmar 60 milljónir króna, fer til uppbyggingar við Staðarbjargavík fyrir neðan sundlaugina góðu á Hofsósi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.