Húnavaka hefst á fimmtudaginn
Húnavaka, bæjarhátíð og fjölskylduskemmtun Austur-Húnvetninga, verður formlega sett fimmtudaginn 16. júlí, klukkan 18:30 fyrir framan Hafíssetrið í gamla bænum. Að lokinni setningarathöfninni verða Umhverfisverlaun Blönduósbæjar afhent, venju samkvæmt.
Um klukkan 18:40 hefst grillpartý í gamla bænum. Hver og einn kemur með mat og drykk fyrir sig og sína. Gestir eru minntir á að taka með borð og stóla. Þá eiga allir að koma með eftirrétt að eigin vali miðað við þann fjölda sem fylgir hverjum og einum á eftirréttahlaðborð sem hefst klukkan 20:00. Verðlaun verða veitt fyrir frumlegasta og flottasta eftirréttinn.
Að loknu grillpartýinu og eftirréttahlaðborðinu verður boðið upp á leiki og fjör í gamla bænum og þar mun fara fram hæfileikakeppni milli hverfa.
Kvöldið endar svo á Pub Quiz keppni um Blönduós á Hótel Blönduósi frá klukkan 22:30 til 01:00. Verðlaun verða veitt fyrir fyrstu þrjú sæti. Frítt inn.
Á fimmtudaginn verða setur og söfn Blönduóss opin gestum og gangandi. Heimilisiðnaðarsafnið verður opið frá klukkan 10:00 til 17:00. Laxasetrið verður opið frá 11:00 til 17:00 og Hafíssetrið verður opið frá klukkan 13:00 til 17:00. Textílsetur Íslands og Minjastofa Kvennaskólans verða opin frá klukkan 13:00 til 17:00.
Klukkan 16:00 þennan fimmtudag fer fram fjölskyldusýning Sirkus Íslands á túninu við Kvennaskólann.
Dagskrá Húnavöku er að finna hér, en hún stendur fram á sunnudaginn 19. júlí.
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
