Hvatamaður að nýtingu séreignarsparnaðar til fyrstu fasteignakaupa býður sig fram í stjórn Almenna Lífeyrissjóðsins
Kristófer Már Maronsson, hagfræðingur, býður sig fram í stjórn Almenna lífeyrissjóðsins en rafræn kosning hófst í hádeginu á kosningavef og henni lýkur 29. mars. nk. Kristófer Már hefur komið víða við og m.a. verið formaður og framkvæmdastjóri Stúdentaráðs, stjórnarmaður hjá Hagfræðistofnun Háskóla Íslands, rekstrar- og fjármálastjóri hjá aha.is og starfar nú sem sérfræðingur hjá Byggðastofnun ásamt því að sitja í stjórn Fjallalambs hf.
Almenni lífeyrissjóðurinn er öllum opinn en hann er jafnframt starfsgreinasjóður arkitekta, leiðsögumanna, lækna, hljómlistarmanna og tæknifræðinga. Atkvæðabærir sjóðfélagar eru tæplega 57 þúsund talsins en allir sem hafa einhvern tímann greitt í sjóðinn hafa atkvæðisrétt.
Kristófer Már hefur látið sig lífeyrismál varða í gegnum tíðina en árið 2016 var hann hvatamaður að umræðu um aukið frjálsræði við nýtingu séreignarsparnaðar til fasteignakaupa og afborgana af húsnæðislánum. Umræðan fór á flug eftir pistil Kristófers og mætti hann m.a. í Kastljós ásamt Gunnari Baldvinssyni, framkvæmdastjóra Almenna lífeyrissjóðsins, til þess að ræða málin. Í kjölfarið voru innleidd lög um fyrstu fasteign sem nýst hefur fjölda fólks sem eru að koma inn á markaðinn í fyrsta sinn.
Kristófer Már hyggst forgangsraða í þágu þriggja mála á vettvangi Almenna lífeyrissjóðsins. Þau eru að tryggja hámarksávöxtun á sparnaði sjóðfélaga, aukið valfrelsi við ávöxtun séreignarsparnaðar og að efla áhuga fólks á lífeyrismálum.
„Ég mun fyrst og fremst beita mér fyrir því að sjóðfélagar geti átt áhyggjulaust ævikvöld, enda eðlilegt að þær mikilvægu stéttir sem standa að baki sjóðnum geti það eftir að hafa lagt til samfélagsins alla starfsævina. Þar mun ég ekki láta staðar numið, heldur vil ég einnig þróa leiðir til þess að auka valfrelsi sjóðfélaga til að ávaxta séreignarsparnað sinn. Slík breyting hefur hvorki áhrif á samtryggingasjóð né séreignarsparnað annarra sjóðfélaga, en gerir okkur sjóðfélaga að virkari þátttakendum í fjárfestingum sjóðsins. Ég hlakka til að vinna með öðru stjórnarfólki, starfsfólki og sjóðfélögum að útfærslum að auknu frelsi, nái ég kjöri.“
Þá hyggst Kristófer Már einnig nýta tíma sinn í stjórn til þess að vekja áhuga fólks á lífeyrismálum.
„Ég tel að jafningjafræðsla sé besta leiðin til þess að kynna lífeyrismál fyrir ungu fólki, sem er ekki einu sinni hálfnað á vegferð sinni að eftirlaunaaldri. Almenni lífeyrissjóðurinn hefur verið í fararbroddi í kynningarmálum og vil ég sem stjórnarmaður stuðla að aukinni þekkingu og áhuga meðal ungs fólks á lífeyrismálum og sýna því fram á að lífeyrismál eru ekki bara fyrir þá sem nálgast efri árin.“
/Fréttatilkynning
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.