Hvetja hagræðingarnefnd til róttækni
Þingflokkur Bjartrar framtíðar birtir í dag opið bréf til hagræðingarnefndar ríkisstjórnarinnar. Bréfið birtist í Fréttablaðinu ásamt því að fylgja þessum pósti. Þingflokkur BF óskar meðlimum hagræðingarnefndar ríkisstjórnarinnar góðs gengis en vill um leið undirstrika þá miklu ábyrgð sem á meðlimum hennar hvílir. Eftirfarandi punktar eru úr opnu bréfi þingflokks BF til hagræðingarnefndar ríkisstjórnarinnar:
- Í bréfinu hvetur þingflokkur BF nefndina til þess að horfa til lengri tíma, bæði í tekjum og útgjöldum ríkisins, þannig að stofnanir samfélagsins geti gert langtímaáætlanir, en séu ekki háðar óvissu fjárlaga hvers árs.
- Nefndin er hvött til róttækni. Þingflokkur BF hafnar flötum niðurskurði þar sem stofnunum er gert að hagræða einhvern veginn, án þess að kafað sé dýpra í starfsemi þeirra, eðli og tilgang. Í bréfinu kemur fram að það þurfi að skoða mjög vel tillögur ýmissa aðila, innlendra sem erlendra, um það hvernig bæta megi nýtingu fjár í íslensku samfélagi.
- Miklar skattalækkanir eða skuldaniðurfellingar, með fé sem að öðrum kosti getur gagnast ríkissjóði, eru í bréfinu sagðar vafasamar. Þingflokkur BF hvetur hagræðingarnefndina til að skoða vel fórnarkostnaðinn af öllum aðgerðum: Ef peningur er notaður í eitthvað eitt, er ekki hægt að nota hann í annað.
- Þingflokkur BF bendir á að sameining stofnana ríkisins í færri en stærri rekstrareiningar, sem bjóða upp á samræmda þjónustu um allt land, séu forsenda fyrir uppbyggingu verkferla og breyttu skipulagi með áherslu á ábyrgð og skýra verkaskiptingu. Þá er bent á að slíkt geti falið í sér kostnað í upphafi en hagræðingu til lengri tíma litið.
Fleiri fréttir
-
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira -
Grænmetis lasagna og tómatasalat | Matgæðingur Feykis
feykir.is Skagafjörður, Í matinn er þetta helst, Lokað efni 14.06.2025 kl. 10.00Matgæðingur vikunnar í tbl 6 var að þessu sinni Guðbjörg Gunnarsdóttir en hún er gift Sigurjóni Sæland. Guðbjörg er fædd og uppalin á Króknum en flutti í Reykholt í Bláskógarbyggð 1998. Guðbjörg og Sigurjón eiga þrjú börn og fjögur barnabörn. Guðbjörg starfar sem deildarstjóri á leikskólanum Álfaborg og hefur unnið þar í 15 ár.Meira
