Hvítir fjallatoppar á Norðurlandinu
Nú hefur haustið minnt rækilega á sig á Norðurlandi vestra með næturfrostum og hvítum fjallatoppum. Naprir vindar hafa kælt sólbarin andlit fólks síðustu daga og munu gera það áfram ef spá Veðurstofunnar gengur eftir sem gerir ráð fyrir norðvestan 3-8 og smáskúrum og hita frá 3 til 10 stig. Hæg suðlæg átt og léttskýjað verður á morgun og heldur hlýnandi þó hitinn verði aldrei mikill.
Veðurhorfur á landinu næstu daga
Á fimmtudag:
Norðvestan 10-15 m/s við NA-ströndina í fyrstu, annars fremur hæg suðlæg átt. Víða léttskýjað á N- og A-landi, annars skýjað og stöku skúrir V-lands. Vaxandi suðaustanátt og fer að rigna á S- og V-landi um kvöldið. Hlýnandi, hiti yfirleitt 8 til 13 stig síðdegis.
Á föstudag:
Austan- og suðaustan 8-15 m/s og rigning, einkum S- og V-lands. Snýst í suðvestan 8-13 um kvöldið. Hiti 8 til 14 stig.
Á laugardag:
Vestlæg eða breytileg átt. Bjartviðri A-lands, annars skýjað og rigning með köflum. Hiti 8 til 16 stig, svalast við NV-ströndina en hlýjast á A-landi.
Á sunnudag:
Hæglætisveður og þurrt, en líkur á skúrum S- og V-lands. Milt veður.
Á mánudag og þriðjudag:
Breytileg átt og rigning með köflum.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
