Íslandsmet slegið á Landsmóti STÍ í leirdúfuskotfimi
Nú um helgina var haldið Landsmót STÍ í leirdúfuskotfimi á velli Markviss. 23 keppendur voru skráðir til leiks og voru flestir bestu skotmenn landsins þar á meðal. Aðstæður voru hinar ágætustu og skutu menn í sól og blíðu á laugardeginum.
Efstu menn eftir fyrri daginn voru Sigurþór Jóhannesson SIH á 72/75, Örn Valdimarsson SR á 66/75, Guðmann Jónasson Markviss 64/75 og jafnir í fjórða til fimmta sæti voru Bergþór Pálsson Markviss og Hákon Þór Svavarsson SFS á 63/75.
Sigurþór var í feikna formi á sunnudeginum og jafnaði sitt eigið Íslandsmet 119/125 fyrir úrslit. Í úrslitum skaut hann svo 24/25 dúfum og endaði á skorinu 143/150 sem er nýtt Íslandsmet en fyrra metið átti hann einnig sem var 142/150 (sett árið 2009). Í öðru sæti hafnaði svo Örn Valdimarsson SR á 131/150, Guðmann í þriðja á 127/150, Bergþór í fjórða á 126/150 og Hákon í því fimmta á 125/150. Þriðji Markviss maðurinn Brynjar Þór Guðmundsson hafnaði svo í 15. sæti.
Í liðakeppninni hafnaði lið Markviss (Bergþór, Brynjar og Guðmann) í öðru sæti á eftir A-sveit SIH og A- lið SR í þriðja sæti.
Á laugardagkvöldinu bauð Markviss keppendum og meðfylgjendum til veislu í Ósbæ í tilefni af 20 ára afmæli félagsins. Mættu þar hátt í 50 manns og voru ýmis málefni rædd þar fram eftir kvöldi milli þess sem gestir gæddu sér á grilluðum og bökuðum kræsingum.
Stjórn Markviss veitti Sighvati Smára Steindórssyni fyrrverandi formanni Markviss heiðursviðurkenningu fyrir störf hans í þágu félagsins en hann hefur frá stofnun félagsins verið einn ötulasti félagsmaður Markviss. Þá veitti Bergþór Pálsson viðtöku góðum gjöfum frá Skotíþróttafélagi Hafnarfjarðar og Skotíþróttafélagi Reykjavíkur.
Félagsmenn í Skotfélaginu Markviss vilja koma á framfæri þakklæti til keppenda og annarra gesta sem eyddu með okkur helginni, þá viljum við ennfremur þakka eftirtöldum fyrirtækjum framlag þeirra til móts og veislu: SAH-Afurðir, Vilko, Vesturröst, Hlað, Ísnes, MS og verslunarfélagið Týr.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
