Jafntefli hjá norðanliðunum um helgina
Keppni hófst í 3. og 4. deild karla í knattspyrnu nú á dögunum. Tindastólsmenn áttu heimaleik gegn Austlendingum í sameiniðu liði Hugins/Hattar en lið Kormáks/Hvatar fór eitthvað suður á undirlendið og spilaði við Knattspyrnufélag Rangæinga á SS vellinum. Jafntefli varð niðurstaðan í báðum leikjunum.
Lið Húnvetninga spilar í B-riðli 4. deildar og fór leikurinn fram sl. sunnudag. Markalaust var í hálfleik en Ævar Már Viktorsson kom lið KFR yfir á 68. mínútu. Félagi hans, Jóhann Böðvarsson, jafnaði metin fyrir Kormák/Hvöt fjórum mínútum síðar þegar hann setti boltann í eigið mark og þar við sat. Sjö lið eru í B-riðli og allir þrír leikir helgarinnar enduðu 1-1 og því allt í hnút eftir fyrstu umferð. Fyrstu þrír leikir K/H eru á útivelli en fyrsti heimaleikurinn verður á Blönduósi 12. júlí þegar Álafoss kemur í heimsókn.
Daginn áður mættust Tindastóll og Höttur/Huginn á Króknum í fyrstu umferð 3. deildarinnar. Þar var sömuleiðis markalaust í hálfleik en fjörið var meira í síðari hálfleik. Ramiro David De Lillo kom gestunum yfir á 48. mínútu en Luke Rae jafnaði tveimur mínútum síðar fyrir Tindastólsmenn. Jónas Aron Ólafsson kom Stólunum yfir á 65. mínútu en De Lillo jafnaði á 81. mínútu og fleiri urðu mörkin ekki.
Heil umferð var leikin í 3. deildinni en þar leika tólf lið. Þrír leikir enduðu með jafntefli en lið Ægis, Reynis Sandgerði og KFG unnu sína leiki og eru því efst. Næsti leikur Tindastóls er gegn Vængjum Júpíters á sunnudaginn en síðan er heimaleikur gegn liði KFG laugardaginn 4. júlí.
Fleiri fréttir
-
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira -
Mikilvægi tækninnar til byggðarþróunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 10.09Arnar Már Elíasson, forstjóri Byggðastofnunar, sagði í erindi sínu að á ársfundi Byggðastofnunar, sem fram fór í Bolungarvík í gær, að í landsbyggðunum fari fram mikilvægustu atvinnuvegir Íslands, öll orkuöflun landsins, þar sé matvælaframleiðslan, öll stóriðjan og stærstur hluti ferðamennskunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.